‘Tinê domandina têkoşînê em dikarin xwedî şehîdan derbikevin’

Şêniyên bajarê Hesekê û gundwarên Hesekê sersaxî dan malbata endamê Hêzên Ewlekariya Hundirîn Ehmed El Ebid El Hadî û gotin tenê bi rêya domandina têkoşînê dikarin xwedî fedakariyan şehîdên xwe derbikevin.

ROJANE

12 hezîran, 2024 14:23

HESEKÊ

Bi sedan şêniyên bajarê Hesekê û gundên girêdayî bajêr tev li merasîma sersaxiyê ya şehîd Ehmed El Ebid El Hadî bûn û sersaxî dan malbata wî.

Şehîd Ehmed El Ebid El Hadî 9`ê Hezîranê dema li ser erka xwe ya leşkerî bû, şehîd bû û duh li Goristana Şehîd Dijwar a bajarê Hesekê hate oxir kirin.

Meclisa Malbatên Şehîdan konê sersaxiyê li pêşiya mala malbata şehîd a li gundê Ricman ê bajarê Hesekê veda.

Endama Meclisa Malbatên Şehîdan a bajarê Hesekê Şeyma El Eqra di merasîmê de axivî û behsa rola şehîdan, avakirina welatan û parastina destkeftiyan kir.

Ji fermandarên Hêzên Ewlekariya Hundirîn Idrîs Oso jî axivî û behsa taybetmendiyên şehîd El Hadî kir û got: "hadî bi fedakarî û cesaret bû, ji bo parastina ewlehiyê û rûmeta sûriyeyiyan, fedakariyên mezin kir."

Her wiha wesîqeya şehadeta şehîd Ehmed El Ebid El Hadî di merasîmê de hate xwendin û radestê malbata wî hat kirin.

(şx)

ANHA