Şehîd Befrîn Efrîn li Şehbayê hate veşartin

Şervana Hêza Rizgariya Efrînê (HRE) Berfîn Efrîn di 19'ê Mijdarê de, di qonaxa duyemîn a ‎Berxwedana Serdemê de şehîd bû. Cenazeyê şehîd bi merasîmekê li Goristana Şehîdên ‎Berxwedana Serdemê ya li navçeya Eherzê ya kantona Şehbayê hate veşartin.‎

Şêniyên Kantona Efrîn û Şehbayê cenezayê şehîd Berfîn Efrîn ji Nexweşxaneya Avrîn a ‎navçeya Fafînê wergirtin û ber bi navçeya Eherzê ve rê ketin. Li pêşiya şaredariya navçeya ‎Ehrezê û ji  heya Goristanê meşiyan û silogana "Tolhildan " berz kirin.‎

Di merasîmê de, endamê Meclisa Malbatên Şehîdan Hesen Berko sersaxî da tevahî gelê ‎kurd û wiha got : "Şehîd Berfîn soz dabû gelê xwe û pêk anî. ‎Em ê jî her tim şopdarê rêya zarokên xwe bibin. Bi saya van şervanan hebûna gelê kurd hate ‎parastin."‎

Her wiha endama  koordînasyona Kongra Star Gulê Hemo axivî û wiha got: "Şehîd BerfÎn keça ‎Efrînê û bûka kurdistanê ye. Jin û dayikên Efrînê dê tu carî berxwedana xwe nedin sekinandin. ‎Bila dijmin vîna jina azad bibîne."‎

Piştî axaftinan wesîqeya şehadetê hat xwendin û radestî malbata wê hat kirin.‎

Cenazeyê şehîd piştre bi tilîliyên dayikan û dirûşma "şehîd namirin" spartin axê.‎

‎(zş(

ANHA