ROJEVA NAVENDA NÛÇEYAN A 6-11-2023
Pisporên ji Misirê piştgirî da pêngava cîhanî ya ji bo azadiya fîzîkî ya Rêber Abdullah Ocalan û çareserkirina pirsgirêka Kurd û got, tevlêbûna pêngavê ereke dikeve ser milê tevahî bawermendên edaletê.
Revandin, girtin û zextên PDK′ê, nîşan didin ku Başûrê Kurdistanê ji bo rojnamevanan û karê rojnamegeriyê cihekî ne ewle ye. (BI WÊNE Û DÎMEN)
Rojnamevan Newroz Demha diyar kir ku dewleta Îran û dewleta Tirk bi hedefkgirtina rojnamevanên jin dixwazin planên xwe veşêrin. Newroz bang li rojnamevanan kir ku bi kamere û pênûsa xwe perglên despotî teşhîr bikin. (BI WÊNE Û DÎMEN)
Piraniya berhemên şêwekarên ku tev li 1`emîn Pêşangeha Şêwekariyê ya gerok bûne, li ser berxwedana jinan bû. Beşdaran destnîşan kir ku ji bo parvekirina çandên cuda û nêrînan, lidarxistina mîna van çalakiyan gelek girîng e. (BI WÊNE Û DÎMEN)
Saziya Avê ya bajarokê Ebû Qelqel ê Minbicê piştî qutkirina ava çemê Firatê ji aliyê dewleta Tirk ve, hewl da pirsgirêka avê çareser bike. Ji bo wê, dînamoyeke avê bi cih kir ku avê ji 30 hezar kesî re peyda dike. (BI WÊNE Û DÎMEN)
Bi sponseriya Zanîngeha Şerq a li Reqayê û hevkariya Rêveberiya Xweser a Bakur û Rojhilatê Sûriyeyê Kongreya Yekemîn a Neteweyî ya Parastina Mîrasa Madî û Nemadî di roja xwe ya duyemîn de dewam dike, saet 09:30′an. (BI WÊNE Û DÎMEN)
Meclisa Jin a Partiya Yekitiya Demokratîk (PYD) bi diruşma ′Na ji qutilkirina jinan re′ li hola Serdem a navçeya Ehdas a Şehbayê civînekê li dar dixe, saet 10:00′an. (BI WÊNE Û DÎMEN)
Li herêma Cebanat a li beşa rojhilatê taxa Şêxmeqsûdê ya Helebê li ser navê rojnamevan û nûçegihanên Heleb û kantona Şehbayê têkildarî revandina rojnamevan û edîtorê ajansa Rojnews′ê Silêman Ehmed daxuyaniyek tê dayîn, saet 10:00′an. (BI WÊNE Û DÎMEN)
ANHA
