ROJEVA NAVENDA NÛÇEYAN A 17-11-2026

ROJEVA NAVENDA NÛÇEYAN A 17-11-2026
17 mijdar, 2026   02:00

Şêniyên bajarê Dirbêsiyê anî ziman ku belavkirina mazota zivistanê dereng maye û dipirsin ka ew ê çawa xwe ji sermayê biparêzin? (BI WÊNE Û DÎMEN)

Koçberên Serêkaniyê li benda vegerê ne, çavên wan li rê ye û nizanin dê kengî vegerin. (BI WÊNE Û DÎMEN)

Xwendekarên Zanîngeha Rojava li bajarê Qamişloyê bi doza qebûlkirina statuya zanîngehê û şermezarkirina serdegirtina li zanîngehê ya ji aliyê hêzên leşkerî ve daxuyaniyekê didin, saet 10.00‘an. Bi heman armancê rêxistina PYD‘ê ya bajarê Dirbêsiyê daxuyaniyekê li pêşiya navenda çandê dide, saet 09.00‘an. Partiyên siyasî yên Rojava daxuyaniyekê li Qamişloyê didin. Li bajarên Çilaxa, Tirbespiyê û Girkê Legê jî daxuyanî ji aliyê însiyatîfên gel ve tên dayîn, saet 11.00‘an. (BI WÊNE Û DÎMEN)

Di çarçoveya çalakiyên 25‘ê Mijdarê de, semînerek li Mala Jinan a bajarê Qamişloyê tê dayîn, Saziya Jina Azad a Sûriyeyê jî panelekê li parka Xwendinê ya bajarê Hesekê li dar dixe, Kongra Star a Dirbêsiyê civînekê li navenda çandê li dar dixe, saet 10.00‘an. (BI WÊNE Û DÎMEN)

Meclisa Malbatên Şehîdan merasîma cenaze ya endamê Hêzên Ewlekariya Hundirîn şehîd Îbrahîm li Pakrewangeha Şehîd Delîl Saroxan li dar dixe, saet 10.00‘an. (BI WÊNE Û DÎMEN)

Mîhrîcana Fîlman a Rojava ya Navneteweyî ya 6’emîn di roja 5’emîn de li Hola Navenda Çand û Hunerê ya Mihemed Şêxo ya bajarê Qamişloyê didome, (BI WÊNE Û DÎMEN).