Rejîma Îranê Elî Fehîm darve kir

Rejîma Îranê, welatiyê bi navê Elî Fehîm ê di dema çalakiyên meha Çileyê de hatibû girtin, darve kir.

6 nîsan, 2026 10:54

NAVENDA NÛÇEYAN

Rejîma Îranê, gelek kes bi hinceta ku tev li çalakiyên protestoyî yên ji 28’ê Kanûna 2025’an ve destpê kirin bûne, darve kir. Ajansa Nûçeyan a Mîzanê, ragihand ku Elî Fehîm bi hinceta ku tevlî çalakiyan bûye hatiye darvekirin.

Emir Hiseyn Hatemî, Muhammed Emin Biglarî û Şahîn Vaheperest ên bi Fehîm re di heman dozê de dihatin darezandin jî hefteya bihûrî hatibûn darvekirin.

Elî Fehîm û kesên din bi îdiaya ku baregeha Besîcê ya li rojhilatê Tehranê şewitandine dihatin darizandin. Parêzerên dozê jî îşaret bi dîmenên kêliya bûyerê û welatî ji hêla kesên cilên sivîl li xwe kirin ve xistine avahiyê, piştre derî hatine girtin û avahî hatiye şewitandin. Di dîmenan de dengê welatiyan ku dibêjin “pal nedin me” jî tê bihîstin.

Welatiyên piştî şewatê di avahiyê de asê mabûn hatin girtin. Fehîm û kesên pê re jî di nav van kesan de cih digirtin.