PYD’ê li Şêranê civînek li dar xist

PYD’ê bi boneya salvegera damezirandina PKK’ê li Şêranê civîneke gel li dar xist.

ROJANE

23 mijdar, 2023 16:26

KOBANÊ

Bi wesîleya salvegera damezirandina PKK’ê Partiya Yekitiya Demokratîk (PYD) li navçeya Şêran a Kobanê civînek li dar xist. Civîn li navenda PYD’ê a navçeyê pêk hat.

Hevserokê Meclisa Navçeya Şêranê Xelîl Mehmûd di civînê de axivî û got: “Her xwestin Kurdan bihelînin. Dewletên ku Kurdistan dagir kir jî her li qirkirin û kuştina Kurdan digeriyan. Armanca wan a sereke ew e ku neteweyeke bi navê Kurd nehêlin.”

Xelîl Mehmûd wiha dawî li axaftina xwe anî: “Gelek şoreş ji bo mafên Kurdan rabûn; Şêx Seîd, Seyîd Riza û Qazî Mihemed lê dîsa jî dijmin ew bi tunebûnê re rû bi rû kirin. Lê 6 kesan li gundê Fîsê jiyaneke nû da destpêkirin, şewqa wê ronî da Kurdistanê û Partiya Karkerên Kurdistanê hat damezirandin.”

Ji rêveberiya Kongra Star a Şêranê Litfiye Silêman jî wiha axivî: “Bi rihê milîtanên rast û bi rihê berxwedana zîndanan gerîla berxwedaneke dîrokî dikin. Dijmin êdî gêj û şaş maye li hemberî berxwedana jinan û bi bin dikeve. Bi rihê PKK’ê hêza me jî xurt dibe.”

Piştî axaftinan beşdaran berxwedana gelê Rojava û Bakur û Rojilatê Sûriyeyê nîqaş kir.

(sş)

ANHA