Meşa 'Rêzgirtina ji îradeyê re' dewam dike
Meşa "Rêzgirtina ji îradeyê re " ku ji bajarên Tirkiye û Kurdistanê ber bi bajarê Colemêrgê ya bakurê Kurdstanê ve hat destpêkirin dewam dike.
"Meşa rêzgirtina ji îradeyê re" ku li dijî tayînkirina qeyûmê li Şaredariya bajarê Colemêrgê ya bakûrê Kurdstanê di bin rêveberiya Partiya Wekhevî û Demokrasiyê ya Gelan (DEM) de di 3'ê Hezîranê de hatibû destpêkirin didome.
Di roja duyemîn a şaxa Wanê de di meşê de parlamenter, hevşaredarên şaredariyan û nûnerên saziyên sivîl jî di nav de bi sedan kes amade ne.
WELATIYAN JÎ PIŞTGIRÎ DAN MEŞVANAN
Di meşê de sirûdên "Gever e Gever e" û "Çerxa Şoreşê" hatin gotin. Wesayîtên derbasbûyî ji bo piştgiriyê bidin meşê dirûşmên "Bijî Berxwedana Colemêrgê" berz kirin.
LI GEL TILÎLÎ Û STRANAN RÊWÎTIYA XWE BERDEWAM KIRIN
Meşvanên bi erbane û stranan meşa xwe domandin, pişt re li mezraya Tekmala Şêx Safiyeddîn 42 kîlometre temam kirin û ji bo xwarinê bixwin bêhna xwe vekirin. Meşvanên ku dê du saetan bêhna xwe vekin dê pişt re heta Tesîsên Bêhnvedanê yên Dogûyê ku dê bi şev li wir bimînin 5 kîlometreyên din bimeşin û îro temam bikin.
