Li Ukraynayê di êrişa fuzeyan de herî kêm 31 kes hatin kuştin

Serokê şaredariya bajêr roja Yekşemê daxuyaniyek da û diyar kir ku di encama êrişeke bi fuzeyan a Rûs de li bajarê Sumi yê li bakurê rojhilatê Ukraynayê gelek kes hatin kuştin.

Şaredar Artem Kobzar li ser hesabê xwe yê medya dîjîtal daxuyanî da û got, "Îro piştî êrişeke bi fuzeyê bi dehan kes mirin."

Heman rayedarî got, "Dijmin careke din êriş bir ser sivîlan. "

Servîsên lezgîn ên li cihê bûyerê hejmar eşkere kirin û diyar kirin ku herî Kêm 31 kesan jiyana xwe ji dest dan ku 2 ji wan zarok bûn û 84 kes jî birîndar bûn ku 10 ji wan zarok in.

Êriş du roj piştî serdana payebilindekî Dewletên Yekbûyî yên Amerîkayê ya li Rûsyayê hate kirin.

Ev êriş a herî kujer a mehên dawî ya li Ukraynayê bû.

Serokdewletê Ukraynayê Volodimir Zelenskiy li ser mijarê li ser X'ê daxuyaniyek da û got, "Li Sumiyê êrişa bi fuzeya balîstîk a metirsîdar a Rûs."

Zelenskiy got, "Li gorî raporên destpêkê bi dehan sivîl mirin, bi dehan jî birîndar bûn. Ev yek di rojeke welê de hate kirin ku mirov diçûn dêrê. "

Serokdewlet got, "Tenê namerd dikarin tiştekî bi vî rengî bikin. "

Rêveberiya leşkerî ya herêmî diyar kir ku bi du fuzeyên balîstîk navenda bajêr hatiye bombekirin.