Li Minbicê şahiya derçûna 144 mamosteyan

Li Minbicê 144 mamoste ku salekê li Peymangeha Amadekirina Mamosteyan xwendin, bi şahiyekê perwerdeya xwe qedandin.

ROJANE

8 gulan, 2024 18:25

MINBIC

Beriya salekê 144 xwendekaran di dewreya 4’an a li Peymangeha Amadekirina Mamosteyan a li Minbicê dest bi perwerdeyê kiribûn. Xwendekaran di nava salekê de beşên zimanê ingilîzî, Jeolojî û pedagogî xwendin.

Desteya Perwerde û Fêrkirinê ya kantona Minbicê bi boneya bidawîbûna dewreya perwerdeyê şahiyek li dar xist. Di şahiyê de mamoste, endamên saziyên sivîl, şervanên Meclisa Leşekrî ya Minbicê û Kombûna Jinan a Zenûbiya beşdar bûn.

Di şahiya li avahiya peymangehê hat lidarxistin de hevseroka Meclisa Gelan a Kantona Minbicê Sîham Hemo xwendekarên derçûyî pîroz kir û destnîşan kir ku şêniyên Minbicê dê ji bo avakirina pêşerojeke geş rêya zanîn û pêşketinê bidomînin.

Hevseroka Desteya Perwerde û Hîndekariyê ya Minbicê Neqşîvan Mihemed diyar kir ku peymangeh li ser bingeha Rêveberiya Xweser dide zanîn û perwerdeyê hat avakirin.

Piştre komên Komeleya Şerkesî û Navenda Çand û Hunerê ya kantonê stran û govendên folklorî pêşkêş kirin.

Di dawiya şahiyê de mamosteyên derçûyî hatin xelatkirin.

(mh)

ANHA