Konferansa komînên Kobanê hat lidarxistin

Komînên bajarê Kobanê îro bi dirûşma "Komîn bingeha avakirina civaka demokratîk e" konferansa xwe li hola Çand û Hunerê ya Baqî Xido li dar xist. Di konferansê de bi sedan şêniyên bajarê Kobanê, hevserok û endamên komînan, endamên saziyên Rêveberiya Xweser û partiyên siyasî amade bûn.

Konferans bi qeyek rêzgirtin dest pê kir. Piştre hevseroka Meclisa Demokratîk a Gelan a Kantona Firatê Roşîn Mehmûd axivî û konferansa li Rêber Abdullah Ocalan û şehîdên azadiyê pîroz kir.

Roşîn Mehmûd diyar kir ku komîn bingeha avakirina civakan e û wiha axaftina xwe domand: "Komîn bingeh e. Divê em bingeha xwe xurtir bikin û xwedî li komînan derkevin. Divê em bingeha Komînan ji nûve li gorî perespektîvên Rêber Apo ava bikin. Divê her kes li gorî van rêgezan kar û xebatên komînan bidin meşandin, ji bo ku em civakeke demokratîk ava bikin."

Piştre hevserokê Meclisa Rêveber a  Rêveberiya Xweseriya Demokratîk a Kantona Firatê Ferhan Hec Îsa rewşa siyasî nirxand.

Mamosteyê Ziman û Wêjeya Kurdî Ednan Elî nirxandinên Rêber Abdullah Ocalan ên li ser komînan xwendin.

Beşdaran jî li ser pirsgirkên li pêşiya komînan û çawaniya pêşxisitna xebatên komînan nêrînên xwe anîn ziman. Hate gotin, divê karên komîn li ser bingeha civaka demokratîk were sererastkirin.

(sş/b)

ANHA