‘Jin dikarin ji tunebûnê hebûnê çêkin’

Semîhe El Ebdo bi derfetên xwe yên basît xebitî û di demeke kin de werşeyeke xwe ya biçûk vekir ku ew û 2 jin pê re debara xwe pê dikin.

JIN

12 nîsan, 2024 06:17

HESEKÊ

Semîha El Ebdo ji gundê Um Huceyra yê navçeya Hol a bajarê Hesekê ye. Ji bo ku debara malbata xwe bike, dest bi karê dirûnê kir.

Semîha (32) dayika 4 zarokan e, li hember şert û mercên jiyanê yên dijwar li ber xwe da û tevî derfetên kêm dest bi dirûnê kir. Qutbûna kehrebeyê û êrişên dewleta Tirk a dagirker ên li dijî stasyonên avê, enerjiyê û binesaziya herêmê, bandor li karê wê jî kir.

Lê ruxmî van astangiyan jî, Semîhayê piştî demeke kurt, werşeyeke biçûk bi navê ‘Sema El Saxîr’ vekir.

Di werşeyê de tevî Semîhayê 2 jinên ciwan kar dikin û debara xwe dikin. Semîhayê got: "Çawa min karî armanca xwe bi dest bixin, min xwest hevalên min ên din jî bi ser bikevin. Ji ber wê, niha bi min re 2 jin kar dikin, ji bo ku xewn û xeyalên xwe bi dest bixin."

Hêviyên Semîha mezin in ku dixwaze werşeyeke mezintir veke û ji bo ku vê xewnê bîne cih dê hewldanên xwe zêde bike.

Semîhayê xwest peyamekê bide jinan ku pişta xwe nedin tu kesî, xwe bispêrin xwe, kar bikin û serxwebûna xwe bi dest bixin, ji ber ku li hember şert û mercên dijwar, kar çeka jinan e.

(şx)

ANHA