Ji bo şehîd Hemûdî merasîma xiyabî

Di merasîmê şervanê Hêzên Sûriyeya demokratîk (QSD), şehîd Hemûdî de soza domandina riya şehîdan û bilindkirina asta têkoşînê hat dayîn.

ROJANE

17 gulan, 2026 15:13

QAMIŞLO

Meclisa Malbatên Şehîdan ji bo şervanê QSD` ê Hemûdî ( Mihemed Behaa El Ebûd) merasîma xiyabî li dar xist. Şervanê QSD`ê Hemûdî di 7`ê kanûna (2024) an li Minbicê şehîd bûbû.

Merasîm li pêşiya dibistana Mecdel El Şemis bi beşdarbûna endamên saziyên civaka sivîl, nûnerên partiyên siyasî û şêniyan bi deqeyek rêzgirtin destpêkir.

Bi navê Meclisa Malbatên Şehîdan ya Tirbespiyê Mihemed Zekî axivî û diyar kir ku şehîdên me xwe ji bo me xwe feda kirine, lewra divê em xwedî li fedekariya wan derkevin.

Mihemed da zanîn ku ew ê her dem şopdarê riya şehîdan bin.

Ji Endamên Meclisa Leşkerî Mihmed Zêdan destnîşan kir ku ew ê çeka hevreyên xwe ên şehîd li erdê nehêlin.

Zêdan got: "Ji bo gelê me, çi were xwestin em her dem hazirin ku parastina wan ji her êrîşan bikin. Ev erkeke dikeve ser milê me. "

Endama Kongra Star Munteha El Meter diyar kir ku ew ê xwedî li destkeftiyên ku şehîdan bi dest xistine derkevin û têkoşîn û berxwedana xwe xurtir bikin.

Di dawî de wesîqeya şehîd hat xwendin û radestî malbatê hat kirin.

(ex/k)

ANHA