Însiyatîfeke dilxwazî ji bo paqijkirina dibistanan
Şêniyên Hecînê bi destpêkirina sala perwerdeyê ya nû re, bi dilxwazî dibistanên bajêr paqij dikin.
Şêniyên bajarê Hecînê yê kantona Dêrazorê ji bo ku hawîrdoreke guncaw ji xwendekaran re peyda bikin, dest bi paqijkirina dibistanan kir. Bi dehan şênî, endamên saziyên sivîl, meclisên xwecih û komîteyên jinan, tev li însiyatîfê bûn.
Di însiyatîfê de dê 43 dibistan, tevî daniştok û fêrgehên wê bên paqijkirin.
Heta niha 10 dibistan hatine paqijkirin û xebatên şêniyan berdewam in.
Kesên tev li însiyatîfê bûne, diyar kir ku paqijkirina dibistanan erka her kesî ye.
Hevseroka Meclisa Gel a bajarê Hecînê Ayde El Colan têkildarî mijarê got: "Armanca me ya sereke avakirina hawîrdoreke guncaw ji xwendekaran re ye. Em dixwazin hevkariyê û têkiliyê di navbera şêniyan, meclisên xwecih û navenda perwerdeyê ya li Hecînê de xurttir bikin."
Ayde ji mamoste û zarokan re serkeftin hêvî kir û diyar kir ku ev însiyatîf dê hezkirinê di navbera her kesî de xurttir bike û di dê îsniyatîfên wiha zêde bibin.
Şêniyên Hecînê kanalên avdana zeviyan jî bi dilxwazî paqij kiribûn.
(şx)
