HRW û ÎFOD: Li Tirkiyeyê rayedar mafê xweîfadekirinê binpê dikin

HRW û ÎFOD’ê diyar kirin ku astengkirina Instagramê binpêkirina mafê azadiya xweîfadekirinê ya bi milyonan bikarhinêran e.

HRW û ÎFOD: Li Tirkiyeyê rayedar mafê xweîfadekirinê binpê dikin
9 tebax 2024   15:03
NAVENDA NÛÇEYAN 

Rêxistina Şopandina Mafên Mirovan (HRW) û Komeleya Azadiya Xweîfadekirinê (ÎFOD) têkildarî astengkirina Instagramê ya di 2’yê Tebaxê de ji hêla Saziya Teknolojiyên Zanyariyê û Ragihandinê (BTK) ve, daxuyanî dan. 

Di daxuyaniyê de hat gotin ku Instagram bi awayekî keyfî hatiye astengkirin û bi vê yekê re azadiya xweîfadekirinê û mafê xwegihandina agahiyan hatiye binpêkirin.

Di daxuyaniyê de hat xwestin ku astengkirina heyî were rakirin û wiha hate gotin: “Li dijî astengkirinên xwegihandina platformên medyaya civakî, gavên wêrek biavêjin.” Hat bibîrxistin ku platformên nûçeyan ên Deutsche Welle û Voice of Americayê ji hezîrana 2022’yan ve astengkirî ne û hat gotin ku ji dawiya meha adarê ve bi milyonan malperên webê astengkirî ne. Di heman demê de astengkirina Wattpad û Robloxê jî di daxuyaniyê de cih girt.