Êrişên Îsraîlê yên li ser Lubnanê: 1 kuştî, 7 birîndar

Di êrişên Îsraîlê yên li ser Lubnanê de kesek hat kuştin û 7 kes jî birîndar bûn.

17 cotmeh, 2025 11:40

NAVENDA NÛÇEYAN

Ajansa Neteweyî ya Lubnanê (ANN) ragihand ku balafirên şer ên Îsraîlê duh bi şev bi kêmanî 15 caran êrişî başûrê Lubnanê kir, di encamê de kesek hat kuştin û 7 kes jî birîndar bûn.

Li gorî heman ajansê, êriş li gelek herêman, ji wan Keleha Meys a di navbera bajarokên Ensar û Zeraraya, kargeha çîmentoyê ya di navbera Ensar û Sînay de, bajarokên Serfend, Bîsriyê, rêya di navbera Şerqiye û Kewseriyet Seyad, herêma navbera Romîn, Homîn û Elî Tahir ên navçeya Nebetiya ya başûrê welat hatine kirin.

Ajansê destnîşan kir ku di êrişa li bajarokê Şemstar a Belebek (Rojhilat Lubnanê) de kesek hatiye kuştin û li herêma Benfeul a navçeya Seydayê jî kesek birîndar bûn û li herêma Ensar a başûrê welat 6 kes birîndar bûn.

Hate ragihandin ku dema şêniyan zeytûn berhev dikirin, artêşa Îsraîlê li ser sînorê başûrê bombeyên deng û îsotê avêtin. Ev yek bû sedema tirsê.

(bb)