El Şeybanî plana şandina hêzan bo Yemenê derewand

Di demekê de ku di raporên çapemeniyê de li ser îhtîmala şandina hêzan ji Sûriyeyê bo Yemenê û Siûdiyê ji bo beşdariya di êrişên leşkerî li dijî Koma Hûsiyan de Wezîrê Karên Derve û Penaberan ê hikumeta veguhêz Esed El Şeybanî hebûna tu planeke di vî warî de derewand.

El Şeybanî di civîneke çapemeniyê ya hevbeş li Şamê de bi hempîşeyê xwe yê Urdunî Eymen El Sefedî re bersivên pirsên rojnamevanan da û got “lihevkirina leşkerî ya bi Siûdiyê re hatiye îmzekirin belavkirina hêzên Sûriyeyê li Yemenê nagire nava xwe û tu planeke leşkerî ya Sûriyeyê li derveyî sînor dê bi awayekî aşkera were ragihandin û ne cihê veşartinê ye.”

Der barê hevkariya leşkerî ligel Siûdiyê de El Şeybanî got welatê wî bi hewceyî pisporiyên Siûdiyê ye ku di avakirina jinûve şiyana artêşa Sûriyeyê de bibe alîkar û bal kişand ser jinûve avakirina saziyên sivîl û leşkerî yên Sûriyeyê.

El Şeybanî diyar kir ku Sûriye li ser avakirina rêxistinbûyîna ewlehî ya parastinê ya herêmî ku ewlehiya herêmê û aramiya wê biparêze baldar e û pêşîniyên Sûriyeyê di vê qonaxê de girîngiyê dide jinûve avakirin, vegera penaberan û avakirina wêranbûnên ji ber şer.

(f)