Di çalakiyên gerîla de 3 leşkerên dagirker hatin kuştin
Gerîlayên YJA Starê li herêma Zapê li leşkerên Tirk ên dagirker da. Di encama çalakiyên sekvaniyê de 3 leşker hatin kuştin.
![Di çalakiyên gerîla de 3 leşkerên dagirker hatin kuştin](https://hawarnews.com/kr/uploads/images/202405/image_870x_6638b0c090295.jpg)
Navenda Ragihandin û Çapemeniyê ya HPG'ê daxuyaniyek li ser çalakiyên gerîla û êrişên dagirkeriya dewleta Tirk daxuyaniyek da.
Di daxuyaniyê de ev agahî hatin parvekirin:
“Herêma Şehîd Delîl a Rojavayê Zapê;
3'yê Gulanê saet di 14:20, 13:15 û 16:00 de li Qada Berxwedanê ya Girê Amediyê li dijî dagirkerên ku ketin nava liv û tevgerê çalakiyên sekvaniyê hatin kirin. Di encamê de 3 dagirker hatin cezakirin. Çalakî ji aliyê hêzên me yên YJA Starê ve hatin kirin.
Êrişên artêşa dewleta Tirk a dagirker;
1, 2, 3, 4 û 5'ê Gulanê li herêma Garê qadên Repînê, Deşta Nehlê, Dêreşê û Zêvkê 6 caran, li herêma Metînayê qada Bêşîlî 4 caran, li herêma Xakurkê Ava Lolanê û qada Kolîtê 2 caran; bi giştî 12 caran bi balafirên şer hatin bombekirin.
3, 4 û 5'ê Gulanê Qadên Berxwedanê yên Şehîd Îbrahîm, Golka, Dergelê, Girê Amediyê, Girê Cûdî, Girê Şehîd Pîrdogan, Bêşîlî û Şêlazê bi helîkopterên êrişê û çekên giran hatin bombekirin."