′Ciwan pêşengê Şoreşa 19′ê Tîrmehê ne′

Di meşê de endamên Tevgera Ciwanên Şoreşger a Sûriyeyê li Reqa û gundewarên wê, Yekitiya Jinên Ciwan a Reqa, Yekitiya Werzîşê ya Reqa û Desteya Ciwan û Werzîşê beşdar bûn û ji pêş morga

şehîdan heta ber navenda ciwanan a bajêr ketin rê.

Di meşê de beşdaran êrişên dewleta Tirk a dagirker şemezar kirin û pankartên ′Na ji dagirkeriya Tirk re, na ji topbarana Tirkiyeyê re, na ji qetilkirina zarok û komkujiyan re′ hildan. Li ber navenda ciwanan li ser navê ciwanên şoreşger hevserokê Tevgera Ciwanên Şoreşger a li Reqayê Mehmûd El Elî daxuyaniyek xwend.

Di daxuyaniyê de hate gotin hîna dewleta Tirk a dagirker êriş, topbaran û bomebarankirina herêmên Bakur û Rojhilatê Sûriyeyê de dewam dike, tevahî cihên leşkerî, sivîl û binesaziyan dike armanc. Hedefa wê ji wê yekê ewlehiya herêmê û îstîqrara wê têk bibe, da vîna gel bişikîne û herêmê ji niştecihên wê vala bike û tola komên xwe yên terorane ku bi destê hêzên herêmê têk çûne, hilde. Armanca êrişa li dijî navenda ciwanan a Minbicê şikandina vîna ciwanan e ku jêdera hêzê ji tevahî hêz û saziyên herêmên Bakur û Rojhilatê Sûriyeyê ye.

Her wiha hate destnîşankirin ku ev ne cara yekemîn e ku ciwan tên hedefgirtin, berê jî li Kobanê û Cizîrê hatin hedefgirtin.

Di dawiyê de hate gotin ciwan pêşengê Şoreşa 19′ê Tîrmehê ne û dê pêşeng bimînin û destkeftiyên vê şoreşê ku bi fedakariya hezaran şehîdan pêk hatiye, biparêzin.

(fr)

ANHA