Balafirên Tirkiyeyê cihê Newrozê jî wêran kir
Di êrişên 6`ê Cotmehê yên balafirên şer ên dewleta Tirk a dagirker ên dijî bajarê Kobanê de cihê ku her sal Newroz tê pîrozkirin ku li ser girê Miştenûr e wêran bû.
![Balafirên Tirkiyeyê cihê Newrozê jî wêran kir](https://hawarnews.com/kr/uploads/images/202310/095752_093915_altaerat-alhrbyh-altrkyh-tdmd991r-msrh-nwrwz-fy-kwbany-28229.jpg)
Cihê ku her sal bi deh hezaran kesî Newroz pîroz dikir, di êrişa balafirên şer ên dewleta Tirk a dagirker a 6`ê Cotmehê de bi temamî xira bû.
Ji ber tevgera balafirên bêmirov li asîmanê Kobanê, nûçegihanên me nikarîbûn xwe bigihînin cihê navborî. Nexasim ku li hember wî cihî li aliyê din ê sînor baregehên dewleta Tirk a dagirker hene.
Dewleta Tirk a dagirker sala borî jî heman cih bombebaran kiribû, Nexweşxaneya Koronayê rûxandibû û 3 rojnamevan birîndar kiribûn.
Di wêneyên ku nûçegihanên me ji dûr ve kişandine, diyar dibe ku cihê Newroz lê dihat pîrozkirin hatiye rûxandin.
(c)
ANHA