Çalakiyên li dijî êrişan berdewam dikin

Endamên saziyên sivîl, rûspiyên eşîran û rewşenbîr jî di nav de, bi dehan şêniyên navçeya Holê ya kantona Hesekê li dijî êrişên dewleta Tirk dagirker meşek li dar xist.

Meş ji sûka Holê dest pê kir û li çerxerêya naverasta navçeyê bi dawî bû.

Li çerxerêyê rêvebera PYD′yê ya navçeyê Îqbal Ebdo daxuyanî xwend. Di daxuyaniyê de hate destnîşankirin ku hedefkirina binsazî û navendên xizmetguzariyê sûcekî şer e û hate gotin: "Dixwaze debara gel qut bike û îradeya wê bişkîne. Mîna van êrişên nemerdane kiryarekî dermirovî ne."

Di daxuyaniyê piştgirî bi QSD′ê û Rêveberiya Xweser re hate dayîn û hate gotin: "Helwesta me sabit e. Li dijî êrişên dewleta Tirk a dagirker û planên wê em bi QSD′ê û Rêveberiya Xweser re ne."

Di daxuyaniyê de banga girtina qada hewayî ya Bakur û Rojhilatê û hesabxwestina ji dewleta Tirk a dagirker hatin kirin.

ŞEDADÊ

Şêniyên navçeya Şedadê jî ji pêşiya navenda Tevgera Ciwanên Şoreşger a Sûriyeyê heta Partka Rêbertî meşiyan.

Meş li ber Parka Rêbertî sekinî. Li vir endama Kongra Star a Şedadê Emîra Seed êrişên dewleta Tirk a dagirker şermezar kir û got, gelên herêmê dê li hemberî êrişan li ber xwe bidin.

Ji rêveberên PYD′ê Fadil El Ehemd jî li dijî êrişan banga xurtkirina têkoşînê kir û wiha got: "Divê zext li dewleta Tirk a dagirker were kirin da ku şerê xwe li dijî gelê Bakur û Rojhilatê Sûriyeyê rawestîne."

Di çalakiyê de endamê bajarokê Mergeda Samir El Zeyanat axivî û got, êrişên dewleta Tirk binpêkirineke eşkere li herêmên Bakur û Rojhilatê Sûriyeyê ye.

DÊRIK

Bi dehan koçberên li kampa Newroz a li bajarê Dêrikê yê kantona Qamişloyê bi meşekê êrişên dewleta Tirk a dagirker şermezar kirin.

Beşdaran li tevahî kampê meşiyan û li qada naverasta navçeyê rawestiyan. Li vir rêveberê kampê Subhî Îlyas axivî. Îlyas êrişên dewleta Tirk a dagirker bi tundî şermezar kirin û got: "Dewleta Tirk a dagirker navendên xizmetguzariyê dike hedef da ku gel biçî bike. Bila dijmin bizanibe em ê li hemberî êrişên wê li ber xwe bidin û em ê nehêlin xaka me dagir bike, azadiya me binpê bike û milkê me talan bike."

Endama Komîteya Jinan a Kampa Newroz Hedla Mistefa jî êriş şermezar kir û got: "Êriş vîna me lawaz nake. Em ê şopdarên ramanê Rêberê xwe û şehîdên xwe bin."

Çalakî bi dirûşmên "Bimire xiyanet", "êrişên li ser herêmên em rawestînin" û "Em azadiyê dixwazin" bi dawî bû.

(bb)

ANHA