Li Akademiya Şehîd Bingeh dewreyeke perwerdeyê hat vekirin

Dewreya pewerdeyê bi navê Aslan Qamişloyê hat vekirin ku di êrişa hewayî ya dewleta Tirk a dagirker de şehîd bû.

Axaftina destpêkê ya vekirina dewreya perwerdeyê ji aliyê endamê Komîteya Perwerdeyê ya akademiyê Silêman Ebû Bekir ve hate kirin. Silêman Ebû Bekir vekirina perwerdeyê pîroz kir û got: "Ev perwerde, perwerdeya li dijî xiyanetê ye, ji ber wê jî bi navê şehîd Aslan Qamişlo ye hat vekirin ku di encama êrişa balafira bêmirov de û bi hevkariya sîxur û xayînan şehîd bûye."

Ebû Bekir wiha zêde kir: "Vekirina perwerdeyê di vê mehê de ku meha destpêka komployê nîşana gelek tiştan dide. Em barê têkbirina vê komployê hildigirin ser milê xwe. Em ê bi rêya pêkanîna fikrê neteweya demokratîk di civakan de û pêşxistina asta endamên komîteyên perwerdeyê komployê têk bibin."

Li gorî Komîteya Perwerdeyê, perwerde dê mehekê  dewam bike û rojan derdora 3 saetan ders li ser neteweya demokratîk bê dayîn.

Akademiya Şehîd Bingeh ji aliyê komînên taxa Qedûrbeg a Qamişlo ve ji b rûniştandina fikrê perwerdekirinê di nav civakê de û belavkirina fikrê azad ê Rêber Abdullah Ocalan hat vekirin.

(mh)

ANHA