Şehîd Zeyneb Saroxan li goristana Şehîd Dijwar hate bibîranîn

Partiya Yekitiya Demokratîk (PYD) hevserokê Nivsîgeha Edalet û Çaksaziyê ya Rêveberiya Xweser a Herêma Cizîrê Zeyneb Seroxan di salvegera yekemîn a şehadeta wê de bi bîr anî. Şehîd Zeyneb 27`ê Îlona 2022`yan di êrişa balafira bêmirov a dewleta Tirk a dagirker li dijî wê de şehîd bûbû.

Şandeyên Rêveberiya Xweser a Herêma Cizîrê, PYD`ê, Kongra Star, Desteya Jinan a Herêma Cizîrê, Meclisa Kantona Hesekê, endamên saziyên sivîl, leşkerî, malbata şehîd Zeyneb tev li merasîma bîranînê bûn ku li goristana Şehîd Dijwar a li Hesekê li dar ketiye.

Di merasîmê de, endama rêveberiya Meclisa Jinan a PYD`ê, Zehra Semo axivî û got: “Malbata şehîd Zeyneb, welatparêz e. Beriya şoreşê û di şoreşê de tê koşiya û li ber xwe da.”

Zehra soz da ku rêya şehîd Zeyneb û tevahî şehîdan bişopînin ta ku hêviyên wan pêk bînin.

Xwişka şehîd Zeyneb Ezmîran Saroxan axivî û got: “Bi hebûna me li vir, em peyameke mezin didin dijmin ku têkoşîna me berdewam e.”

Di dawiya merasîmê de beşdaran berxwedana şehîdan silav kir.

(şx)

ANHA