‘Rêya şehîdan ji bo gelan ronahî ye’

Şêniyên Hesekê sersaxî da malbata şervanê Hêzên Ewlekariya Hundirîn Mehmûd Hemade û soz da heta armanca şehîdan pêk were, dev ji rêya şehîdan bernedin.

NÛÇE

26 îlon, 2023 11:29

Bi sedan şêniyên Hesekê û gundên derdorê tev li merasîma sersaxiyê ya şehîd Mehmûd Hemadê bûn ku 24`ê Îlonê şehîd bûbû.

Di merasîmê de ku li taxa El Neşwa ya Hesekê li dar ketiye, endamê Meclisa Malbatên Şehîdan a Hesekê Mehmûd Cewan axivî û got: “Destpêkê em sersaxî didin xwe û didin malbata şehîd Mehmûd û sebrê ji wan re dixwazin.”

Cewad di şexsê şehîd de tevahî şehîdên azadiyê bi bîr anîn û got: “Şehîd dê ji bo gelê me bibin minare.”

Ji fermandarên Meclisa Leşkerî ya Hesekê Demhat Hesekê jî got: “Dewleta Tirk a dagirker ji çend salan ve hewl dide fitneyê di nava pêkhateyan de derxe ji bo ku Rêveberiya Xweser û gel zeîf bike.”

Demhat Hesekê soz da ku her tim ax û gelê wê biparêzin û rêya şehîdan bişopînin ta ku armancên wan pêk werin.

Endama Kongra Star Fedwa Yasîn jî got şehîd Mehmûd û hevalên wî ji bo jiyana birûmet ji gelê xwe re biafrînin, canê xwe feda kir.

(şx)

ANHA