Li gundewarê Şamê di navbera Firqeya 4′an û komeke çekdar de şer: 5 kuştî
Li gundewarê Şamê di navbera komeke ciwanên ji bajarokê Zakiye û Firqeya 4′an a hikumeta Şamê de şerekî dijwar rû da. Hate zanîn ku di şer de 3 leşkerên Firqeya 4′an û 2 ciwanên koma navborî hatin kuştin.
![Li gundewarê Şamê di navbera Firqeya 4′an û komeke çekdar de şer: 5 kuştî](https://hawarnews.com/kr/uploads/images/202308/113148_095743_ashtbakat-zakyh-bryf-dmshq-750x430-1.png)
Şeva berê di navbera leşkerên Firqeya 4′an a girêdayî hêzên Şamê û komeke çekdar ji şêniyên bajarokê Zakiye yê gundewarê Şamê de şerekî dijwar rû da, di enc,a,ê de 3 leşkerên Firqeya 4′an hatin kuştin, 3 leşkerên din hatin dîlgirtin. Her wiha 2 çekdarên koma navborî hatin kuştin û 4 birîndar bûn.
Ciwanên koma navborî jî malên 3 berpirsên Firqeya 4′an şewitandin.
Li gorî Navenda Çavdêriya Mafên Mirovan a Sûriyeyê (SOHR), piştî ku komeke girêdayî Firqeya 4′an kesek kuşt şer derket.
SOHR diyar kir ku dîlgirtiyekî li gel koma ji şêniyên bajarokê Zakiye got, 3 berpirsên Firqeya 4′an mayîn li bajarok bi cih kirin û destên wan di pêkanîna sûcan li dijî sivîlên bajarokê de hene.
(fr)