Parkên giştî yên Kobanê cihê bêhnvedanê ne

Şêniyên kantona Kobanê ji bo bêhnvedanê berê xwe didin parkên giştî.

CIVAK Û JIYAN

26 tebax, 2023 05:28

KOBANÊ

Li bajarê Kobanê 9 park (4 mezin û 5 biçûk) û daristanek hene. Şênî ji bo bêhnvedanê berê xwe didin wan cihan.

Ajansa me ji hundirê parka Kobanê ya giştî dîmenên şênî û zarokan girtin.

Der barê tevgera şêniyan di parkên giştî de, rêveberê parka giştî ya Kobanê Rêber Hecano got: "Ji bo ku em bala şêniyan bikişînin ser parkan û dilê şêniyan, bi taybet zarokan xweş bikin, em tê de şahiyên hunerî û pêşbirkan li dar dixin. Bi pirbûna daran û lîstokên zarokan rewşeke xweş bidin bajêr."

Rêber Hecano anî ziman ku piştî têkbirina êrişên çeteyên DAIŞ'ê, êdî pêwîstiya Kobanê bi projeyên wek avakirina parkan û çandina daran hebû, da ku bajar mîna berê geş vegere.

Rêveberiya Parkan a Rêveberiya Xweseriya Demokratîk a Herêma Firatê xebatên jinûve avakirin û serersatkirina parkan dike, ku di salên dawîn de ji ber êrişên dewleta Tirk a dagirker hatibû paşguhkirin. Rêveberiya Xweser plan dike ku 3 parkên din li bajêr ava bike.

(mh)

ANHA