Siyasetmedar: Hevkariya hêzên navneteweyî bi dewleta Tirk re diyar e

Endamên Partiya Sûriya Pêşerojê destnîşan kirin ku sûcên dewleta Tirk a dagirker li herêmên dagirkî, êdî eşkere bûn û hêzên navneteweyî bi dewleta Tirk re hevkar in. Her wiha gelê Sûriyeyê ji ber projeya osmanî ya ku dewleta Tirk dixwaze li herêmê temam bike, hişyar kirin.

22 tebax, 2023 02:36

REQA – ENES MIHEMED

Dewleta Tirk a dagirker bi armanca ku deverên dagirkirî veguhêze wîlayetên Tirkî û demografiya wan biguherîne û bêhtir xaka Sûriyeyê dagir bike, sûcên xwe yên li dijî şêniyên deverên dagirkirî û yên Bakur û Rojhilatê Sûriyeyê bi hemû rêbazan didomîne.

Endamê Meclisa Giştî ya Partiya Sûriya Pêşerojê Îbrahîm El Qeftan ji ajansa me re der barê siyasetên dewleta Tirk a dagirker de wiha axivî: "Hîn jî dewleta Tirk a dagirker hemû rêbazên tirsandinê li dijî şêniyan didomîne û hewl dide ku temenê aloziyê dirêj bike û çareser neke."

El Qeftan wiha lê zêde kir: "Dewleta Tirk a dagirker hewl dide ku gelan bidest bike, ji bo ku siyaseta xwe ya osmanî ferz bike û xaka Sûriyeyê ji Sûriyeyê qut bike û bi dewleta Tirk ve girê bide."

El Qeftan destnîşan kir ku divê gelê Sûriyeyê armancên dewleta Tirk a dagirker baş nas bike ku ew dixwaze gel birçî bike û hemû deverên dagirkirî dorpêç bike û gelê wê biçewsîne.

Her wiha El Qeftan got: "Tirkiye nabe deriyê çareseriya kirîza Sûriyeyê, ew bi rêya kontrolkirina opozîsyonê hewl dide ku hişmendiya Osmanî ferz bike."

El Qeftan diyar kir ku dewleta Tirk a dagirker ji bilî kuştin û zordestiyê berê xwe da zeviyên çandiniyê û rûbereke berfireh şewitand."

El Qeftan bang li gelê Sûriyeyê kir ku ji çavnebariya dewleta Tirk a dagirker hişyar bin û got: "Divê Neteweyên Yekbûyî (NY) biryara 2254 û yên din ên têkildar bilez pêk bîne."

Di heman çarçoveyê de, serokê Nivîsgeha Partiya Sûriya Pêşerojê Gidêran Welîd Mûsa got: "Ji destpêka kirîza Sûriyeyê de dewleta Tirk a dagirker hewl dide xaka Sûriyayê wek Skenderonê dagir bike û îro jî gelek deverên Sûriyeyê dagir kirine."

Mûsa wiha domand: "Em ê ji bo bidawîkirina terora Tirkiyeyê her yek bimînin û planên wê têk bibin."

Mûsa bêdengiya hêzên navneteweyî ya li hember kiryarên dewleta Tirk a dagirker şermezar kir û got: "Wan tu daxuyanî der barê binpêkirinên dewleta Tirk a dagirker de yên li dijî xaka Sûriyeyê nedane, ev jî nîşan dide ku ew hevkarên wê ne û dagirkerî qebûl kirine."

(mh/şx)

ANHA