Cenazeyê şehîd Mutesêm Ekiyorîk hate veşartin

Bi sedan şêniyên Dêrikê cenazeyê endamê Hêzên Ewlekariya Hundirîn Mutesêm Ekiyorîk li Goristana Şehîd Xebat Dêrik a bajêr oxir kir.

NÛÇE

2 tebax, 2023 20:01

QAMIŞLO

Karwanê cenazeyê şehîd ji pêşiya Nexweşxaneya Şehdî Hogir a bajarê Dêrikê ber bi Goristana Şehîd Xebat ve bi rêket. Bi sedan şêniyên navçeyên Girkê Legê, Dêrik û Çilaxa yên Qamişloyê bi karwanê re çûn goristanê.

Li goristanê, Sûad MIhemed Teyb bi navê Meclisa Malbatên Şehîdan axivî û rola şehîdan di pêkanîna aramiyê li herêmê de silav kir û soza şopandina fikr û felsefeya Rêber Abdullah Ocalan û şehîdên azadiyê da.

Her wiha hevserokê Desteya Hundirîn a Herêma Cizîrê Kenan Berakat axivî û got: “Şehîd rêberên me ne. Rêya me ronî kirin. Şoreşa herêmê li ser nirxên şehîdan, fikrê azad û demokrasiyê û bi saya hevgirtina gelê me ava bû. JI ber wê ev nîştimanî û vîn bû bingeha şoreş û rêveberiya me ya xweser.”

Di dawiyê de wesîqeya şehadeta şehîd hate xwendin û radestî malbatê hate kirin. Dûre girseya gel, cenazeyê şehîd spart axê.

(şx)

ANHA