Bi boneya şoreşê li Tebqayê çalakiya hunerî

Di çalakiyê de bi dehan şênî, nûnerên Rêveberiya Xweseriya Demokratîk, meclisên leşkerî, partiyên siyasî, tevgerên jinan û ciwanan beşdar bûn.

Berdevka Meclisa Ciwanên Partiya Sûriya Pêşerojê Şeze El Elî axivî û bixêrhatina beşdaran kir.

Endama rêveber  a Yekitiya Jinên Ciwan a Tebqayê Aye Silêman axivî û got: "Bi boneya Şoreşa 19′ê Tîrmehê me çalakiyeke hunerî li dar xist û vê şoreşê li Rêber Apo pîroz dikin."

Aye wiha domand: "Cîhan tevahî dizane ku jinê di Şoreşa 19′ê Tîrmehê de roleke mezin lîst û xwe îsbat kir ku ew bingeha civakê ye. Projeya neteweya demokratîk û Şoreşa Rojava de bû ronahiya azadiya cîhanê û hêvî li gel gelan çêkir."

Aye di dawiyê de anî ziman di rêxistinbûyîn û têkoşîn werin geşkirin.

Dûre koma Minbicê ya şano û koma Zenûbiya ya Navenda Hîlala Zêrîn şano pêşkêş kirin. Helbestvan Meryem El Şerîf a ji Tebqa û helbestvan Buşra Mensûr a ji Tebqa helbest xwendin.

Di çalakiyê de pêşangeha wêne û pirtûkên Rêber Abdullah Ocalan, tabloyên wênesazên Navenda Çand û Hunerê ya Tebqayê hatin pêşandan.

Di dawiyê de şêniyan dîlan gerand.

(fr)

ANHA