Gefên li dijî Rêber Abdullah Ocalan li Eyn Îsayê hatin şermezarkirin

Tecrîd û nameyên gefxwarinê yên li dijî Rêber Abdullah Ocalan bi meşekê li navçeya Eyn Îsayê hatin şermezarkirin.

NÛÇE

17 tîrmeh, 2023 12:56

EYN ÎSA

Bi sedan şêniyên navçeya Eyn Îsayê bi meşekê tecrîd û nameyên gefan ên ku dewleta Tirk radestî Rêber Abdullah Ocalan şermezar kirin.

Şêniyan ji pêşiya mizgefa Mezin heta çerxerêya Şehîd Cûdî meşiyan û dirûşmên "Bê serokê jiyan nabe " û "Bimire Erdogan" berz kirin.

Di çalakiyê de endamê Meclisa PYD'ê ya kantona Girê Spî Qeys Ziyab axivî û anî ziman ku tecrîkirina Rêber Abdullah Ocalan rûreşiya hêzên navneteweyî ye ku îdiaya edaletê dikin û durûtiya wan nîşan dide.

Ziyab diyar kir ku dewleta Tirk a dagirker gelên azad dike hedef û hewl dide îradeya gelên berxwedêr ên ku xwedî li ramanê Rêber Abdullah Ocalan derketine, bişkîne.

Qeys Ziyab got, Rêber Abdullah Ocalan sembola jiyana hevbeş e û ji bo pêkanîna azadiya fîzîkî ya Rêber Abdullah Ocalan banga xurtkirina têkoşînê kir.

Çalakî bi dirûşman bi dawî bû.

(bb)

ANHA