Pirtûkxaneya Gerok li gundewarê Dêrazorê ye

Bi armanca belavkirina firkên Rêber Abdullah Ocalan û têgeha xwendina pirtûkan, îro li rojavayê Dêrazorê çalakiya pirtûxaneya gerok dest pê kir.

Di roja yekemîn a çalakiyê de, di otobusa ku wêneyên Rêber Abdullah Ocalan û alên Tevgera Ciwanên Şoreşger li ser bûn de, parêznameyên Rêber Abdullah Ocalan li bajarokê El Kesra yê rojavayê Dêrazorê hatin pêşandan.

Otobus, li pêşiya avahiya Şaredariya Gel a bajarokê El Kesra rawestiya, endamên saziyên leşkerî û sivîl, Kombûna Jinan a Zenûbya, Yekitiya Jinên Ciwan û gelek xelkê wir, beşdarî çalakiyê bûn.

Di çalakiyê de hevseroka Meclisa herêma rojavayê Dêrazorê Şeyma El Şêx axivî û got: “Siyasetên dewleta Tirk a dagirker ên li dijî Rêber Abdullah Ocalan, giş bi armanca têkbirina vîn û berxwedana wî ye.”

Şeyma wiha domand: “Lê belê vîna gelan û berxwedana Rêbertî, ji hewldanên dagirkeriya Tirk mezintir e. Ew nikare vîna Rêbertî û me bişikîne.”

Her wiha Şeyma destnîşna kir ku bi sekna xwe piştgiriya têkoşîna Rêber Abdullah Ocalan dikin û heta rizgar bibe dê li qadan bin.

Di dawiya çalakiyê de, parêzname û pirtûkên Rêber Abdullah Ocalan li beşdaran hatin belavkirin.

Çalakiya pirtûkxaneya gerok dê sibe li herêma Sewr a bakurê Dêrazorê be.

(şx)

ANHA