​​​​​​​Jinan soza domandina berxwedanê nû kir

Li hemebr êrişa dawî ya dewleta Tirk a dagirker a di 20'ê Hezîranê de ku di encamê de Hevseroka Meclisa kantona Qamişlo Yusra Derwêş, cîgira hevseroketiyê Leyman Şiwêş û endamê meclisê Firat Tûma şehîd bûn û hevserokê meclisê Şemûn Gabî birîndar bû, şêniyên Bakur û Rojhilatê Sûriyeyê nerazîbûna xwe nîşan da.

Der barê vê mijarê de, welatiya bi navê Semer Xelîl a ji navçeya Til Temirê destnîşan kir ku êrişên dewleta Tirk a dagirker ên li dijî herêmê piştî biserketina Erdogan di hilbijartinan de, li dijî hemû pêkhateyên herêmê zêde bûn.

Semer Xelîl got: "Em dê li hember dagirkeriya Tirk û her kesê ku êriş xaka me bike berxwedana xwe bidomînin û tu carî dev ji herêmên xwe bernadin."

Welatiya ji Til Temirê ya bi navê Fetûş El Hesen jî êrişên dewleta Tirk a dagirker ên li dijî navçeyê şermezar kirin û bang li hêzên navneteweyî û rêxistinên mafên mirovan kir ku van êrişên dermirovî rawestînin.

Fetûş El Hesen teqezî bi domandina berxwedanê heta rizgarkirina hemû deverên dagirkirî da.

Her wiha welatiya bi navê Ronaz Yûsif a ji heman navçeyê diyar kir ku dewleta Tirk a dagirker bi hemû rêbaz û derfetên xwe êriş dike û got: "Dewleta Tirk a dagirker hewl dide xaka me dagir bike û îradeya gelên berxwedêr têk bibe."

Ronaz Yûsif wiha pê de çû: "Dewleta Tirk a dagirker jinên pêşeng ên ku roleke sereke di avakirina civaka demokratîk û Şoreşa Rojava de lîstine hedef digire, lê dîsa jî em dê şopdarên rêya şehîdan bin û heta dawiyê em dê destekê bidin hêzên xwe yên leşkerî."

(mh/şx)

ANHA