Dibistanên di erdhejê de ziyan dîtine tên sererastkirin

Dibistanên herêma Şehbayê yên di erdheja 6`ê Sibatê de zirar dîtibûn wê di betlaneya havînê de bên sererastkirin.

NÛÇE

22 hezîran, 2023 04:34

ŞEHBA-ZEYNEB ŞÊXO

Li gorî agahiyên ku Cîgirê Hevserokê Desteya Perwerdê û hîndekariyê ya Efrîn û Şehbayê Fadil Çawîş dane ajansa me, di erdheja 6`ê Sibatê de li Şehbayê 4 dibistan û peymangehekê zirar dîtibûn. Ji ber ku sala perwerdeyê berdewam dikir û li baxçeyê dibistanan kon hatibûn vedan, sererastkirina dibistanan hatibû taloqkirin. Piştî bidawîbûna sala perwerdeyê ya 2022-2023`yan Desteya Perwerdeyê bi alîkariya Şaredariya Herêma Şehbayê dest bi amadekariyên sererastkirina dibistanan kir.

/kr/uploads/files/2023/06/21/194726_fadil-caws.webp

Cîgirê Hevserokê Desteya Perwerdê û hîndekariyê ya Efrîn û Şehbayê Fadil Çawîş destnîşan kir ku wan dest bi sererastkirinê kiriye û plan dikin ku di betlaneya havînê de vê xebatê bi dawî bikin.

Çawîş destnîşan kir ku derfetên wan kêm in, lê şaredariya herêmê jî alîkariya wan dike û wê bi hev re sererastkirinê temam bikin.

/kr/uploads/files/2023/06/21/194743_mehd-resd.webp

Endamê Şaredariya Herêma Efrîn û Şehbayê Mehmûd Reşîd jî diyar kir ku ew ê bi hemû derfetên xwe alîkariya Desteya Perwerdeyê dikin û tiştên di destê xwe de pêşkêş dikin.

(c)

ANHA