Li Hesekê meşa piştgiriya Mexmûrê

Bi dirûşma "Bi êriş û dorpêçê hûn nikarin vîna me bişikînin" bi sedan şêniyên Hesekê ji bo piştgiriya berxwedana penaberên li Wargeha Şehîd Rustem Cûdî (Mexmûr) meşek li dar xist. Meş li dijî hewldanên dorpêçêkirin û têlkirina wargehê ji aliyê artêşa Iraqê ve, hate lidarxistin.

Meşê li Çerxerêya Hemame ya taxa Til Hecirê ya Hesekê dest pê kir. Beşdaran wêneyên Rêber Abdullah Ocalan û pankartên "Bi êriş û dorpêçê hûn nikarin vîna me bişikînin" hildan.

Li Çerxerêya Serhed a li taxa El Mifî meş vegerî mîtîngê. Li wir hevserokê Partiya Yekitiya Demokratîk (PYD) a Hesekê Remedan Fetah axivî. Fetah îşaret bi armanca hewldanên artêşa Iraqê yên dorpêçkirina Mexmûrê kir û wiha got: "Armanca hikumeta Iraqê ji vê yekê niştecihên Mexmûrê asteng bike û vîna wan têk bibe. Mexmûrî serî ji siyasetên hikumetê û siyasetên PDK′ê re natewînin. Ji ber ku di êrişa çeteyên DAIŞ′ê ya 2014′an revîn Hewlêrê."

Fetah wiha domand: "Ne ji berxwedana welatiyên Mexmûrê ya li dijî DAIŞ′ê bûya, dê DAIŞ′ê rûberên fireh ên xaka Iraqê dagir bikira û bigihîşta Hewlêrê."

Fetah got artêşa Iraqê û PDK′ê bersiv da welatiyên Mexmûrê yên li dijî DAIŞ′ê sekinîne û wiha pê de çû: "Piştî vê berxwedanê îro hikumeta Iraqê wargehê dorpêç dike û PDK siyasetên xwe pêk tîne."

Fetah bang li hikumeta Iraqê û artêşa Iraqê kir ku nekevin xefika siayseta dewleta Tirk a dagirker a xwe dispêre qirkirinê. Fetah berxwedana mexmûriyan silav kir û got welatiyên Bakur û Rojhilatê Sûriyeyê destekê didin berxwedana wan.

Meş bi dirûşman bi dawî bû.

(fr)

ANHA