​​​​​​​′Ji bo naskirina civakan divê pirtûkên Rêbertî bên xwendin′

Ciwan, pêkhate û beşên ji tevahî cîhanê, Bakur û Rojhilatê Sûriyeyê bi taybet ciwan li hember tecrîda li dijî Rêber Abdullah Ocalan bertekên xwe nîşan didin û bi hêrs in.

Ji 25′ê Adara 2021′ê ve tu agahî ji Rêber Abdullah Ocalan û girtiyên din Omer Hayrî Konar, Hamîlî Yildirim û Veysî Aktaş nayên wergirtin û dewleta Tirk a dagirker tecrîdeke giran li ser wan pêk tîne.

Ciwanên Qamişloyê li ser tecrîdê ji ajansa me re axivîn û got divê li dijî siyasetên qirkirinê têkoşîna fikrî were bilindkirin da ku Rêber Abdullah Ocalan bi awayekî fîzîkî azad bikin.

Rêber Abdullah Ocalan bang li ciwanên li Rojhilata Navîn û cîhanê dike xwe bi rêxistin bikin û xwe li ser rastiyê û cewherê şerê gel ê şoreşgerî perwerde bikin û li dijî siyasetên hêzên kapîtalîzmê û rejîmên despot asta xwe ya fikrî bilind bikin.

Ciwana bi navê Mizgîn Hisên behsa armanca Komploya Navneteweyî ya li dijî Rêber Abdullah Ocalan kir û wiha got: "Komplo li dijî gelê herêmê yê bawerî bi projeya neteweya demokratîk anî, pêk hat. Ev yek dewleta Tirk a dagirker û dewletên komploger aciz dike."

Mizgîn bang li ciwanên Kurdistan, Bakur û Rojhilatê Sûriyeyê kir ku xwe li gorî fikrên Rêber Abdullah Ocalan ên li ser girîngî û rola ciwanên li hember siyasetên li dijî civakê perwerde û bi rêxistin bikin û ji bo azadiya wî ya fîzîkî têkoşînê bilind bikin.

Ciwana bi navê Roniya Ebdullah jî got: "Komploya Navneteweyî û tecrîda girankirî di şexsê Rêber Abdullah Ocalan de li dijî fikrê rizgariya jinan e. Hemû dewletên komploger bi dewleta Tirk a dagirker re ji bo girankirina tecrîdê yek in. Ji lew re li hember van siyasetan bê deng in. Divê ji bo pêkanîna azadiya fîzîkî ya Rêber Abdullah Ocalan ked û xebat bên zêdekirin."

′SEKNA LI HEMBER KOMPLOYÊN DERVE′

Ciwanê bi navê Kêwan Kenan behsa pabendiya ciwanan bi fikir û felsefeya Rêber Abdullah Ocalan kir û got: "Rêber Abdullah Ocalan fîlozofê serdemê ye û ew xwedî fikrê rizgariya gelan li gorî rastî, cewher, çand û zimanê wan e. Ji lew re armanc tecrîdê ev fikir li ser erdê pêk neyê."

Kenan rola ciwanan a li dijî êrişên li ser rastî û cewherê civakan pîroz kir û wiha domand: "Ger ciwanan rola xwe di civakê de li gorî fikrê Rêber Abdullah Ocalan lîst, dê li hember tevahî komployên derve bisekinin."

Ciwana bi navê Rojda Omer jî anî ziman ku dewleta Tirk a dagirker yekitiya gelan û yekitiya jinên rola wan beriya xwe bispêrin fikrê Rêber Abdullah Ocalan di civakê de hatibû paşguhkirin hedef digire û got: "Divê em pirtûkên Rêbertî bixwînin da ku fikrê bizanin, rastiya civaka me binasin û armancên dewletên kapîtalîst nas bikin da ku têk bibin."

(fr)

ANHA