Kampanya haştagê: Ji Rêber APO re demildest azadî

Kampanyaya bi navê “#FreedomForOcalanNow” li ser torên medyaya dîjîtal şevê di saet di 20.00`an de hatiye destpêkirin û didome.

Bi destpêka kampanyayê re ji çar aliyên Kurdistanê û cîhanê gelek kes beşdar bûn û bal kişandin ser tecrîda girankirî, her wiha banga azadiya fîzîkî ya Rêber Abdullah Ocalan kirin.

Di nava beşdaran de gelek siyasetmedar, rojnamevan û parêzer jî hene.

Bikarhêneran di peyamên xwe de wêne û gotinên Rêber Abdullah Ocalan parve kirin û navnîşanên saziyên navnetewî yên wekî CPT û NY (Neteweyên Yekbûyî) jî îşaret kirin.

Hinek bikarhêner û peyamên wan wiha ne:

* Hevserokê PYD`ê Salih Muslim: Berî her tiştî Rêber APO bi felsefe, fikir û ramana xwe zincîrên koletiya gelê Kurd şikandin. #FreedomForOcalanNow."

*Hevserokê Kongra Gel Remzî Kartal: Azadiya Rêber APO, azadiya gelê me ye, azadiya jinê ye. #FreedomForOcalanNow."

* Endama Têkiliyên Derve ya Meclisa Îştarê ya Wargeha Mexmûrê Leyla Arzu: Bi hêviya ku bi hêza jinên Kurd yên têkoşer emê azadiya fizîkî ya Rêber APO mîsoger bikin û di Kurdistanek azad de jiyan bikin. #FreedomForOcalanNow."

 *Parlementerê HDP'ê Omer Ocalan: "Temenekî di rêya aştî û demokrasiye hatî bexşandin. Hewldan û xîreta wî her tim ji bo çareseriyê bû, lê îro rastî êrişên giran û tecrîdê tê. 4'ê Nîsanê rojbûna birêz Ocalan pîroz be."

 *Buroya Hiqûqê ya Sedsalê: "Divê pergala nepêwendî û îşkenceyê ya mutleq a li Îmraliyê bê feshkirin û azadiya fîzîkî ya birêz Ocalan pêk bê. #FreedomForOcalanNow"

*Rojnamevan Erdal Er: Ji bo demokrasî, aştî, wekhevî û azadiyê; tekane rê azadiya fîzîkî ya Rêberê Gelê Kurd Abdullah Ocalan e. #FreedomForOcalanNow."

*Rojnamevan Seyît Evran: Rêber APO rêberê sosyalîzma demokratik e. #FreedomForOcalanNow."

ANHA