Tedbîrên Rêveberiya Xweser ên li hember lehiyan kamp parastin

Li herêmên cuda yên Bakur û Rojhilatê Sûriyeyê duh baraneke zêde tevî bayekî gur bariya, di encamê de lehî li piranî herêman çêbûn, bi taybet li Reqa û Dêrazorê. Bi wê re rêya di navbera Hesekê û Reqayê de ji xizmetê derket, pira El Şahir a di navbera Cidêdat û Ehwes a herêma Kerame ya rojhilatê Reqayê de ku dikeve ser rêya di navbera Reqa û Dêrazorê de, hilweşiya.

Ji bo şopandina kampan, nûçegihanê me da zanîn ku barana dawî tu zirar bi kampan nekir, tenê zirarên mîna dilopkirina konan çêbûn.

Li Bakur û Rojhilatê Sûriyeyê 15 kamp û bi dehan kampên nebirêxistinkirî hene, ji wan 6 li herêma Cizîrê ne û tê de gelek koçberan heye. Ew kamp jî, Hol, Erîşa, Roj, Newroz, Serêkaniyê û Waşûkanî ne, her wiha 5 kamp li kantona Şehbayê ne; Berxwedan, Serdem, Veger, Efrîn û Şehba.

Ji wê zêdetir jî Kampa Koçberên Girê Spî li bajarokê Til Semin ê bakurê Reqayê, kampa Mehmûdlî li Tebqa, du kampên taybet bi koçberên gundewarên Heleb û Idlibê li Minbicê ne.

Li gorî nûçegihanê me, tedbîrên bi damezrandina her kampekê re hatine girtin û ji bo pêşwazîkirina zivistanê ku Rêveberiya Xweser li ser wan disekine, hişt ku zirar bi koçberên li kampê nebin.

Rêveberiya Xweser di xizmetkirin û alîkariya wan kampan de digel paşguhkirina komele û rêxistinên li Bakur û Rojhilatê Sûriyeyê dixebitin, barekî mezin hildigire.

(fr)

ANHA