Li Hesekê 64 şehîd hatin bibîranîn

Merasîma 64 şehîdên meha Sibatê li Hola Reşo a dikeve taxa El Meşrefiyê ya bajarê Hesekê bi tevlêbûna bi dehan şêniyên bajêr, endamên saziyên sivîl û malbatên şehîdan hatin bibîranîn.

Li Hola Reşo waneyên şehîdan û Rêber Abdullah Ocalan daliqandin û her wiha malbatên şehîdan wêneyên 64 şehîdan rakiribûn.

Endamê Meclisa Malbeta Şehîdan a Hesekê Mehmûd Cewad axivî û got: “Em rêz û hurmetê ji şehîdên ku canê xwe feda kirine, ji bo rizgarkirina gelê herêmê ji zilm û zordariyê re dikin.”

Rêveberê Meclisa Leşkerî ya Herêma Cizîrê Hemîd Hesen diyar kir ku tu kes nikare projeya neteweya demokratîk têk bibe.

Hesen diyar kir ku çi qas dewleta Tirk a dagirker û çeteyên wê êriş û tehdîdên xwe zêde bikin, nikarin hêzên wan qels bixin. Hesen axaftina xwe wiha bi dawî kir û got: “Em ê têkoşîna xwe bidomînin û li dijî her kesê destdirêjiyê li ser xaka me bike bisekinin, heta rizgarkirinê û rizgarkirina Rêber Ocalan ya fîzîkî.”

Piştre sînevîzyon li ser Komploya Navneteweyî û wêneyên şehîdên ku hatine bibîranîn û QSD`ê û YPG`ê hat xwepêşandan.

Merasîm bi dirûşman bi dawî bû.

(zh)