Der barê Komploya Navneteweyî de li Dêrazorê semîner

Nûnerên Meclisa Gel, şêniyên bajarokê Mihêmîde, endamên Yekitiya Werzîşê û nûnerên Meclisa Herêma Rojava ya Dêrazorê tev li semînerê bûn ku li Navenda Yekitiya Werzîşê ya bajarojê Sifîrê Jêrîn ê rojavayê Dêrazorê li dar ketiye.

Di semînerê de hevserokê Meclisa Gel a bajarokê Mihêmîde Berakat El Ehmed der barê komployê de axivî û got: “Li gorî mikurhatinên tirkan bi xwe destê îstixbarata Îsraîl, Amerîka, Kenya, Yewnanistan û Tirkiyê di komploya 15`ê Sibatê de hebû. Komplo heta roja îro li dijî gelên cîhanê berdewam e. tecrîda li ser Rêber Abdullah Ocalan berdewama şerê li dijî fikrê demokratîk ê azad e.”

Piştre bi navê Meclisa Herêma Rojava ya Dêrazorê cîgira hevserokatiya Meclisa Herêma Rojava Meha Mihemed axivî û got: “Fikrê Rêber Abdullah Ocalan, fikrekî aştiyane ye û jiyana hevbeş, ewlehî û istiqrarê teşwîq dike. Dewletên komploger, ji bo têkbirina vî fikrî dest bi komployan kir. Lê ruxmî wê jî nekarîn rê li pêşiya belavbûna fikr û baweriyên wî bigirin ku em pê bawer in.”

Meha bang li rêxistinên mafên mirovan û Rêxistina Edlê ya Navneteweyî kir ku tecrîdê bi dawî bikin û Rêber Abdullah Ocalan serbest berdin ji bo doza gelê wî yê demokratîk berdewam bibe.

(şx)

ANHA