Li Helebê ciwanan dagirkirina Efrînê şermezar kir

Di meşê de endamên Tevgera Ciwanên Şoreşger, Yekitiya Jinên Ciwan û endamên saziyan beşdar bûn. Meş ji pêşiya navenda tevgerê ya li rojavayê taxa Şêxmeqsûd dest pê kir û ber bi parka Efrînê ya taxa Eşrefiyê ve dewam kir. Ciwanan wêneyên rêber Abdullah Ocalan, şehîdan, alên YPG û YPJ`ê, pankartên "Tolhildan" û "Bi rihê ciwanên fedaî dagirkerî têk bibin Efrîn rizgar bikin” hildan.

Li wir, endama Yekitiya Jinên Ciwan Nadye Yûsif wiha axivî: "Di şexsa şehîdên Berxwedana Serdemê de, em hemû şehîdan bi bîr tînin û bejna xwe li hember wan ditewînin. Em tev dizanin ku ez 6 sal in Efrîn hatiye dagirkirin û ji wê demê ve dewleta Tirk a dagirker kantonê û xwezaya wê binpê dike, lê belê Efrîn her di dilê me de ye û em ê dawiya dagirkeriyê bînin."

Nadye Yûsif her wiha teqezî bi berdewamkirina berxwedana gelê Efrînê li Şehba û Şêxmeqsûdê heta rizgarkirina Efrînê kir.

Nadye wiha domand: "Dewleta Tirk a dagirker dixwaze me qir bike, lê belê bi fikrê Rêber Abdullah Ocalan em dê her û her li hember dewleta Tirk a dagirker li ber xwe bidin."

Meş bi silavkirina berxwedanê bi dawî bû.

(mh)

ANHA