Gerîla li Zapê bi çekên giran li dagirkeran xist

Gerîlayên Azadiyê yên Kurdistanê li herêma Zapê bi çekên giran li leşkerên Tirk ên dagirker xist.

13 ÇILE, 2023 11:08

NAVENDA NÛÇEYAN

Navenda Ragihandin û Çapemeniyê ya HPG'ê têkildarî çalakiyên dawîn ên gerîla daxuyaniyeke nivîskî da:

"Agahiyên berfireh ên li ser çalakiya li herêma Zapê û êrişên dewleta Tirk a dagirker wiha ne;

Di çarçoveya Pêngava Şoreşgerî ya Bazên Zagrosê de li herêma Zapê;

12'ê Çileyê saet di 12:00 de li nehiya Şêladizê ya navçeya Amediyê, tîmên me yên bi tevger bi çekên giran li dagirkerên li nêzî qada Çemçoyê xistin.

Êrişên artêşa Tirk a dagirker ên bi bombeyên qedexekirî û çekên giran;

12'ê Çileyê çeperên berxwedanê yên gerîla yên li nêzî qada Çemço ya nehiya Şêladizê ya navçeya Amediyê, ji serê sibehê heta êvarê 13 caran bi çekên kîmyewî û bombeyên qedexekirî hatin bombekirin.

Êrişên artêşa Tirk a dagirker;

12'ê Çileyê zeviyên Gundê Sêdarê yê Garê û qada Golka ya Metînayê 4 caran bi balafirên şer hatin bombekirin.

12'ê Çileyê çeperên berxwedanê yên gerîla yên li Qada Berxwedanê ya Girê FM û nêzî qada Çemço ya nehiya Şêladizê ya Amediyê bi dehan caran bi obus, tank û çekên giran hatin bombekirin."