​​​​​​​Pêkhateyên Minbic: Divê yekser rewşa tenduristî ya rêber Ocalan were eşkerekirin

Li gel paşguhkirina rêxistinên hiqûqî rêber Ocalan di girtîgeha Îmraliyê de ji dema girtina wî di 1999′an de rastî tecrîdeke giran tê û ji 21 mehan ve tu agahî jê nayên girtin. Desthilatên Tirkiyê tu agahiyê rewş û tenduristiya wê eşkere nakin, her wiha CPT′ê jî tu agahiyên zelal nekirin.

′EM Ê HETA PÊKANÎNA AZADIYA FÎZÎKÎ YA RÊBER OCALAN LI BER XWE BIDIN′

Têkildarî vê yekê, welatiya ji pêkhateya Ereb li Minbicê Hisên Begarî yê wiha got: "Armanca rêber Ocalan rizgarkirina gelên ji hêla dewletên kapîtalîst ve hatine bindestkirin, di serî de jî dewlet Tirk. Tevî revandin û girtina wî ji 24 salan ve ji hêla dewleta Tirk a faşîst ve lê ew wê nikarî fikrê rêbertî dîl bigirta. Ji ber fikrê wî di nava gelên azadîxwaz û tevahî cîhanê de belav bû."

Begarî wiha domand: "Pêkhateyên Bakur û Rojhilatê Sûriyê xwe li ser bingehên neteweyên demokratîk ku xwe dispêrên fikir û felsefeya rêber Ocalan bi rêxistin dikin ku li hember tevahî rejîmên destpot bisekinin."

Begarî di dawiyê de bang li CPT′ê kir ku yekser rewşa tenduristî ya rêber Ocalan eşkere bike û wiha got: "Em ê têkoşîn û berxwedana xwe li ser bingeh û rêgezên fikir û felsefeya rêber Ocalan heta pêkanîna azadiya wî ya fîzîkî dewam bikin."

Girêdayî mijarê, welatiya ji pêkhateya Kurd li Minbicê Şemse Berkel a wiha got: "Divê tevahî rêxistinên hiqûqî û mirovî yekser rewşa rêber Ocalan eşkere bikin û tecrîda li dijî wî bi dawî bikin."

Şemse wiha domand: "Bi saya fikirê rêber Ocalan me destkeftiyên mezin bi dest xistin. Wî destpêkê banga azadiya jinê kir. Ji lew re ji erka me ye ku em dakevin kolanan, deng û têkoşîna xwe bilind bikin. Her wiha berxwedana xwe heta pêkanîna azadiya fîzîkî ya rêber Ocalan xurt bikin."

Li aliyekî din welatiya ji pêkhateya Çeçen a li Minbicê Naciye Hec Mihemed wiha got: "Em dizanin ku rêber Ocalan banga mafên jinan kir û bi saya fikrê wî me karî banga azadiya xwe bikira."

Naciye Hec Mihemed di dawiyê de bang li aliyên têkildar û rêxistinên hiqûqî kir ku tecrîda li dijî rêber Ocalan bi dawî bikin, her wiha bang li CPT′ê kir ku yekser rewşa tenduristî ya rêber Ocalan eşkere bike.

(fr)

ANHA