Hevdîtina diyaloga kurdî-erebî: Çarenûsa her du gelan yek e

Hevdîtina diyaloga kurdî-erebî ya ku duh li bajarê Bochum ê Almanyayê dest pê kir, bi encamnameyekê bi dawî bû. Hate gotin ku hevdîtin gavek ber bi avakirina têkiliyeke hevgirtî ya mayînde ya di navbera her du aliyan de ye.

6 mijdar, 2022 09:01

NAVENDA NÛÇEYAN

Di encamnameyê de hate gotin: "Di çarçoveya lêgerîna li şiyarkirina nirxên lêborîn, jiyana hevbeş di navbera Ereb û Kurdan de, Navenda Kurdî ya Lêkolînan û Komeleya Tolerance e.v hevdîtinek li bajarê Bochumê yê Almanyayê li dar xist. Kesyaetên çandî û jin ên Kurd û Ereb beşdarî hevdîtinê bûn."

Her wiha hate diyarkirin ku di hevdîtinê de dozên girêdayî diyalogên erebî-kurdî, encam, bandor, alav û asyonên wê, rewşa jinan di her du civakan de, xalên hevbeş, astengî, çarenûsa hevbeş û xurtkirina têkiliyên her du civakan hatine nîqaşkirin.

Di dawiyê encamnameyê de hate gotin: "Beşdaran di rûniştina dawî de alav û pêşniyar diyar kirin da ku ev diyalog bibe gava destpêkê ya ber bi diyalogên din ve ku armanc dike danheveke sûdmend û girîng di têkiliyên hemahengî, hevgirtî û dewlemend di navbera Kurd û Ereban de pêk bîne. Her wiha beşdaran li ser domandin û xurtkirina mîna van diyalogan li hev kirin."

Ji herdu pêkhateyan 30 kesayetên siyasî, çalakvan û akademîsyen beşdarî hevdîtinê bûn.