​​​​​​​Silêman Ereb: Şaredarî xwe ji nû ve bi rêxistin dikin

Di 30′yê Cotmeha borî de bi beşdariya 132 şaredariyan, Konferansa Şaredariyên Gel li Hesekê hate lidarxistin.

Li ser biryarên konferansê, hevserokê Desteya Rêveberiyên Herêmî û Jîngehê ya Herêma Cizîrê Silêman Ereb wiha got: "Pêdivî bi ji nû ve birêxistinkirina şaredariyan li gorî paradîgmaya rêber Abdullah Ocalan heye ku li gel wê nêrînên cuda li ser şaredariyan hene, da ku nûnertiya demokratîk a rasteqîn bikin û şaredarî di çarçoveya demokrasiyê de veguherin xwerêberiyê û bikevin xizmeta gel."

Li gorî pergala nû ya pêşniyarkirî û tê payîn pêşkêşî Meclisa Giştî ya Rêveberiya Xweser a Bakur û Rojhilatê Sûriyê bikin, Ereb wiha axivî: "Şaredarî, meclis û hevserokatiya xwe ji hêla gel ve hildibijêrin da ku nûnertiya wî ya rasteqîn bin. Ev jî li pêş şaredariyan derî vedike ku ji aliyê darayî û rêveberî ve xweser bin û biryarên xwe bi xwe bidin. Dê nûnerên şaredariyan di nava meclisa herêm û kantonan de bin."

Silêman Ereb wiha gotina xwe bi dawî kir: "Şaredarî ji nû ve xwe bi rêxistin dike, yekitiya şaredariyan li ser asta Bakur û Rojhilatê Sûriyê ava dike. Da ku rêxistina hemû şaredariyan di bin banê yekitiyê de be. Ev gav xweseriya şaredariyan, xizmetguzarî û demokrasiyê bi pêş dixe."

(fr)

ANHA