​​​​​​​Konferansa 3’yemîn a Meclisa Malbatên Şehîdan a Minbicê bi dawî bû

Di destpêka konferansê de cîgirê sekreterê giştî yê Partiya Sûriya Pêşerojê, Cahid Hesen li ser geşedanên siyasî yên herêmê û rola malbatên şehîdan di qonaxên cuda yên şoreşê de, axivî.

Di konferansê de hevseroka Nivîsgeha Karûbarên Civakî ya Bakur û Rojhilatê Sûriyê, Meryem Îbrahîm û hevserokê Meclisa Rêveber a Rêveberiya Sivîl a Minbicê, Mihemed Xêr Şêxo û endama rêveber a Meclisa Leşkerî ya Jinan a Minbicê, Fatme Mihemed û endamî rêveber ê Saziya Birîndarên Şer a Minbicê Mihemed Xêr, axivîn.

Axêveran lidarxistina Konferansa 3’yemîn a Meclisa Malbatên Şehîdan pîroz kir.

Piştî bidawîbûna axaftinan, perspektîfên rêber Abdullah Ocalan û rapora xebatên 2 salan a Meclisa Malbatên Şehîdan hatin xwendin.

Beşdaran piştî nîqaşan gihaştin gelek biryaran di nav de xurtkirina sazûmaniya rêxistinî ya meclisê, vekirina dewreyên perwerdeyê, avakirina mecliseke tenduristiyê ji bo endamên meclisê, bang li malbatên şehîdan bê kirin ku beşdarî merasîma şehîdan bibin.

Di konferansê de 26 kes ji bo endamtiya Meclisa Malbatên Şehîdan hatin hilbijartin û sond xwarin

Konferans bi siloganên “Şehîd namirin” bi dawî bû.

(mh)

ANHA