Rûsya û Çînê li ser xurtkirina tevkariya parastinê li hev kir

Navenda ragihandinê ya Meclisa Ewlehiyê ya Rûsyayê ragihand ku Rûsya û Çînê li ser zêdekirina hevkariyê bi rêya wezaretên parastinê ji bo pêkanîna perwerde û dewriyeyên hevbeş, her wiha li ser xurtkirina peywendiyên di navbera desteyên giştî yên erkanê de li hev kiriye.

Bi beşdariya nûnerên wezaret û dezgehên Komara Gel a Çînê, hevdîtin di navbera Sekreterê Konseya Ewlekariyê ya Rûsyayê Nîkolay Patrûşev û endamê Polîtburoya Komîteya Navendî ya Partiya Komunîst a Çînê Yang Jiechi de, li bajarê Nanping ê kantona Fujian pêk hatin.

Di daxuyaniya Meclisa Ewlehiyê ya Rûsyayê de hate gotin: "Her du alî li ser hevkariyên zêdetir di navbera rêveberiyên leşkerî de, perwerde û dewriyeyên hevbeş, her wiha li ser xurtkirina peywendiyan di navbera desteyên giştî yên erkanê li hev kirin."

Sekreterê Konseya Ewlekariyê ya Rûsyayê Nîkolay Patrûşev got: “Moskova û Pekîn daxwaza avakirina pergaleke cîhanî ya edaletir û geşkirineke azad ya serdestiya welatan a li ser bingeha nasnameya wan a taybet xwe dikin, lê welatên rojavayî vê yekê red dikin ku hewl didin nirxên xwe yên sexte li ser hesabê berjewendiyên gelên cîhanê ferz bikin."