Li Hesekê ji bo şermzarkirina êrişan xwepêşandan li dar ket

Li hember sûcên dewleta Tirk a dagirker û hedefgirtina herêmên Bakur û Rojhilatê Sûriyê nexasim di vê dawiyê de ku zêde bûne, Meclisa Jinan a Rêveberiya Giştî ya Dibistanan a Hesekê xwepêşandan li dar xist. Bi dehan şênî tev lê bûn.

Xwepêşandan ji pêşiya çerxerêya Sînalko dest pê kir û li pêşiya Parka Serok a li taxa Nasra rawestiya û veguherî mitingê.

Di mitingê de endama Meclisa Malbatên Şehîdan Rojda Ehmed daxuyanî xwend û got: “Dewleta Tirk vê dawiyê hemû pîvanên mirovî û nirxên mafên koman û endaman bin pê kirin.

Siyasetên dewleta Tirk heman siyasetên împeratoriya osmanî ne ku komkujî li dijî gelên herêmê yên resen ên Kurd, Ereb, Ermen, Asûr û Suryan pêk anîne. Di vê sedemê de jî hovantirîn cureyên qirkirinê li dijî gelê me li ser gelek astên siyasî, çand, civakî û aborî pêk tîne. Zarokên me ji hovîtiya wê nefilitîn.

Em bi tundî van sûcên dewleta Tirk a dagirker bi taybet sûca li dijî jinên têkoşer û çalakvanên jin, şermzar dikin. Van jinan nûnertiya xwe û vîna jinan û civakê kir. Teqezî bi mafê diyarkirina çarenûsa xwe ji destpêka Şoreşa 19`ê Tîrmehê ve û heta vê kêliyê kir.”

(dm)

ANHA