Yekitiya Jinên Ciwan: Bi rihê 15’ê Tebaxê ew sal dê bibe sala têkbirina dagirkeriyê

Bi pêşengiya Yekitiya Jinên Ciwan li gundê Mele Sibat yê Qamişloyê ji bo şehadeta şehîd Bawer Enîz, Edîb Elî û Dijwar Kobanê meşeke hate lidarxistin. Meşê li ber goristana gund dest pê kir û heta cihê bûyerê berdewam kir.

Li ser navê Yekitiya Jinên Ciwan Bihar Mihemed daxuyanî xwend. Di daxuyaniyê de hate gotin: “Di salvagera 38’an a Pêngava 15’ê Tebaxê de ku bi pêşengiya fermandarê mezin û nemir şehid Egîd dest pê kir û bû çirûska azadiya mirovahiyê, em li rêber Apo û tevahî şehîdên doza azadiyê pîroz dikin.

Bi salan e gelê Kurd di bin dagirkêriye de dijî û ji ber ku serî tewandinê qebûl nake, her bûye hedefa dijminê faşîst. Lê belê bi derketine tevgêra PKK re û bi teqandina fîşeka yekemîn re êdî dem bû dema gihîştina azadî û serkeftinê.”

Di daxuyaniyê de îşaret bi zêdebûna êrişên artêşa Tirk a dagiker hate kirin û hate gotin: “Di van demên dawîn de şehîdxistina rêveberên vê şoreşê zêde bûye. Wekî fermandar Jiyan, Dijwar, Rêzan, Bawer û şehîd Edîb. Ji bo vê yekê em wek Ciwanên PYD û Yekitiya Jinên Ciwan em dibêjin bi rihê 15’ê Tebaxê ew sal bibe sala têkbirina dagirkeriyê û gihîştina serkeftinê. Helwesta me ew e ku heyanî welatparêzek jî hebe tu carî dev ji têkoşîna xwe bernadin. Careke din em ve roja binirx li tevahî gelên welatparêz pîroz dikin.”

ANHA