Şêniyên Bakur û Rojhilatê Sûriyê cejna xwe bi zarokên xwe yên şehîd re dest pê kirin

Wekî her cejnê, piştî nimêja cejnê, şêniyên Bakur û Rojhilatê Sûriyê, endamên Saziyên Sivîl, saziyên jin û ciwanan, şervanên Hêzên Sûriya Demokratîk serdana goristanên şehîan ên li herêmên cuda yên Bakur û Rojhilatê Sûriyê kirin.

HESEKÊ

Vê berbangê, bi hezaran pêkhateyên bajarê Hesekê, malbatên şehîdan, şervanên YPG/YPJ`ê û QSD`ê û endamên saziyên sivîl berê xwe dan Goristana Şehîd Dijwar a li gundên Dawûdiyê û serdana gorên şehîdan kirin.

Li goristanê, şêniyan û malbatên şehîdan gul danîn ser gorên şehîdan, hinek ayetên Quranê xwendin, hinekan jî şekir li beşdaran belav kirin.

DIRBÊSIYÊ

Di sibeha Cejna Qurbanê de, malbatên şehîdan ên Bakur û Rojhilatê Sûriyê berê xwe dan Goristana Şehîd Rustem Cûdî ya li gundê Berkevirê yê navçeya Dirbêsiyê.

Şêniyan kulîlk danîn ser gorên zarokên xwe yên şehîdan, şekir belav kirin û ayetên Quranê xwendin.

TIL TEMIR

Şêniyên Til Temirê jî di yekemîn rojên Cejna Qurbanê de serdana goristana şehîdan kirin û zarokên xwe bi bîr anîn. Vê sibehê şêniyan yekem rojên cejnê bi zarokên xwe yên şehîd re dest pê kirin, yên ku di oxira welatê xwe de canê xwe feda kirin.

HELEB

Bi sedan şêniyên taxên Şêxmeqsûd û Eşrefiyê, malbatên şehîdan, şervanên YPG, YPJ`ê û Hêzên Ewlekariya Hundirîn û saziyên sivîl serdana gorên şehîdan ên li Goristana Şehîdên Şêxmeqsûd û Eşrefiyê yên herêma Şiqeyêf ya bajarê Helebê kirin, gul danîn ser gorên şehîdan û ayetên Quranê xwendin.

Li goristanê, piştî deqeyeke rêzgirtin, endamê Meclisa Malbatên Şehîdan Hoşmîn Dado Cejna Qurbanê li rêber Abdullah Ocalan, şehîdan û dayik, hevjîn û zarokên şehîdan pîroz kir.

Hoşmîn got: “Şehîd fermandarên me ne, bi saya wan û bi saya fikrê rêber Ocalan îro li herêmê gelê me di nav aramî û ewlehiyê de dijî. Em fedekariyên şehîdan ji bîr nakin, em soz didin şehîdan ku em ê herêm û destkeftiyên xwe biparêzin.

Şêniyan û endamên saziyên sivîl û hêzên leşkerî berê xwe da Qada Şehîd Şiyar a li taxa Seken Şebabî ya li Helebê. Li wir endamê Kombûna Oldaran Şêx Elî El-Hesen aixvî û got: “Em bejna xwe li hember şehîdan ditewînin, ku bi saya wan em di aramî û ewlehiyê de dijîn.”

El-Hesen Cejna Qurbanê li şervan û malbatên şehîdan pîroz kir.

ŞEHBA

Vê Sibê, bi sedan şêniyên herêma Efrînê û malbatên şehîdan serdana Goristana Şehîdên Berxwedana Serdemê ya li navçeya Ehresê ya kantona Şehbayê kirin. Li wir, endama rêveber a Meclisa Kantona Şehbayê Nisrîn Mihemed axivî, pesna rola şehîdan di avakirina şoreşê de da û got: “Bi saya fedekariyên şehîdan ku axa welat bi xwîna xwe av dan, em dikarin îro bi rûmet û azadî bijîn. Şoreş bi xwîna şehîdan tê avakirin.”

Beşdaran dirûşmeyên dilsoziya bi şehîdan re berz kir.

REQA, TEBQA Û DÊRAZOR

Di yekem rojên Cejna Qurbanê de, ji saetên sibehê ve şêniyên Reqa, Tebqa û Dêrazorê jî ber bi goristanên şehîdan ve herikîn û sardana gorên law û keçên xwe yên şehîd kirin.

Piştî nimêja cejên, şênî û endamên saziyên sivîl, saziyên jinan, şervanên Hêzên Sûriya Demokratîk û Meclisên Malbatên Şehîdan berê xwe dan goristanên şehîdan.

Li Reqayê, malbatên şehîdan berê xwe dan Goristana Şehîdên Reqayê ya li gundê Hikumiyê yê bakurê Reqayê. Şêniyên gundewarê rojhilatê Reqayê jî çûn Goristana Şehîd Sêvdar a li bajarokê Cidêdat.

Li bajarê Tebqayê jî, şênî ber bi Goristana Şehîdên Tebqayê ya li bajrê ve herikîn. Şêniyên gundewarê rojhilatê Dêrazorê jî sardana Goristana Şehîd Xidir Hemade ya li gundê Ebû Xeşeb kir.

Endamên Meclisa Sivîl a Reqayê, Meclisa Sivîl a Dêrazorê û endamên Rêvberiya Sivîl a Demokratîk a Tebqayê, Partiya Sûriya Pêşerojê, QSD, endamên Hêzên Ewelkariya Hundirîn û şêx û rûspiyên eşîran, Meclisa Malbatên Şehîdan li hemû goristanan amade bûn û cejna malbat û zarokên şehîdan pîroz kir.

Piştî sardana gorên şehîdan, şandeyeke Rêveberiya Sivîl a Demokratîk a Tebqayê serdana saziyên sivîl û leşkerî yên Tebqayê kirin û Cejna Qurbanê li wan pîroz kir.

MIBINC

Şêniyên bajarê Minbicê, malbatên şehîdan, saziyên sivîl û leşkerî berê xwe dan Goristana Şehîdan a li başûrê bajêr û serdana gorên şehîdan kirin. Li wir ayetên Quranê hatin xwendin. Şêniyan hêvî kir ku li seranerê Sûriyê aramî û aştî pêk were û cejn li hev pîroz kirin.

KOBANÊ

<iframe width="560" height="315" src="https://www.youtube.com/embed/egGtID3oJjU" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Bi hezaran şêniyên kantona Kobanê vê sibê serdana gorên şehîdan kir.

Bi sedan malbatên ji gund û bajarokên Kobanê ji saetên serê sibehê de berê xwe dan Goristana Şehîd Dicle ya li başûrê bajarê Kobanê.

Şêniyan her wiha serdana Goristana Şehîdên Komkujiya Kobanê û goristana gundê Berx Botanê kir. Ew her du goirstan ên şehîdên Komkujiya Kobanê ne ku çeteyên DAIŞ`ê di 25`ê Hezîrana 2015`an ew komkujî pêk anîbû. Li her du goristanan gorên 250 şehîdî hene.

Malbatan gul û kulîlk danîn ser gorên şehîdan û Cejna Qurbanê li hev pîroz kirin.

QAMIŞLO

Îro yekemîn rojên Cejna Qurbanê ye. Bi vê boneyê pêkhateyên bajarê Qamişlo û gundên girêdayî wê, endamên saziyên sivîl, ewlehî û leşkerî û malbatên şehîdan ji saetên zû yên sibehê de berê xwe da Goristana Şehîd Delîl Saroxan û di yekem rojên cejnê de zarokên xwe yên şehîd bi bîr anîn.

Hêzên Ewlekariya Hundirîn li bajêr tedbîrên ewlehiyê yên pêwîst girtin û hêzên xwe li pêş hemû goristanan belav kirin.

Li goristanan, şêniyan Cejna Qurbanê li hev pîroz kir, şekirên cejnê belav kirin, bixwîr pê xisitn û li ser gorên şehîdan ayetên Quranê xwendin. Şêniyan hêvî kir ku li seranserê Bakur û Rojhilatê Sûriyê aramî û aştî serwer be.

TIRBESPIYÊ

Li navçeya Tirbespiyê jî şêniyan ji saetên sibehê ve berê xwe da Goristana Şehîd Dilşêr a li gundê Dugirê û kulîlk danîn ser gorên şehîdan.

Meclisa Malbatên Şehîdan, şênî pêşwazî kirin. Piştre şêniyan şêranî û şekir belav kirin û li ser gorên şehîdan bixwîr pê xistin.

DÊRIK

Şêniyên navçeya Çilaxa, Girkê Legê, Til Koçre û Dêrikê û nûnerên desteyên Rêveberiya Xweser û saziyên civaka sivîl jî berê xwe dan Goristana Şehîd Xebat Dêrik û sardana gorên şehîdan kirin.

(cx)

ANHA