Yekitiya Pîşesazên Tibî ya Tebqayê hat avakirin

Kongre hola Nexweşxaneya Watanî ya Tebqayê li dar xist. Gelek mêvan ji saziyên sivîl, leşkerî, partî, komîteyên jinan, nûnerên Yekitiyên Rêxistinên Civaka Sivîl û pirsporên pîşesazên tibî di kongreyê de beşdar bûn.

Hevserokê Rêxistinên Civaka Sivîl a Tebqayê Satam El-Ferec bi xêrhatine beşdaran kir û got: “Ji ber pêwîstiya bilez a birêxistinkirina civakê, me kongreya xwe li dar xist. Bi rêya birêxistinkirina beşên civakê li gorî pisporiyê di nav rêxistinê sandîkayên hevgirtî, wê demê em ê civakek pêşketî û xwe nirx ava bikin.”

Her wiha Satam El-Ferec destnîşan kir ku bi vê birêxistinkirinê, dê civak bi hêztir û hevgirtîtir be, dê li hember hemû aloziyan bisekine ji ber birêxistinkirina rastîn û rast bingeha avakirina civakan saxlem e.

Her wiha El-Ferec anî ziman ku lidarxistina kongreyê, delîleke mezin ji cîhanê re re ye ku şêniyên herêmê, di pêkanîna projeya neteweya demokratîk û parastina destkeftiyên xwe û rizgarkirina herêmên xwe de berdewam in.

Piştî wê, dîwanek ku ji hevserokê Yekitiya Pîşesazên Tibî ya Herêma Cizîrê Mazin El-Şêx, hevserokê Rêxistinên Civaka Sivîl a Tebqa Satam El-Ferec û hevseroka Yekitiya Pîşesazên Tibî ya Tebqayê Meryem El-Zeko ji dîwana kongreyê hatin diyarkirin.

Endamên dîwanê jî, rêziknameya Yekitiya Pîşesazên Tibî û armanca wê, erkên wê, mafên endamên wê, xwend û beşdaran li ser erê kir.

Bi rêya dengdayîna yekser, hevserokatiyeke nû ya Yekitiya Pîşesazên Tibî û 9 nûnerên beşên pîşesazên tibî li Tebqayê hatin hilbijartin.

Di dawiya kongreyê de endamên hilbijartin sond xwarin ku dilsozê karê xwe bin û li gorî pîvanên neteweya demokratîk û ji bo pêkanîna wê kar bikin.

(şx)

ANHA