Desteya Perwerdeyê ezmûneke din ji bo xwendekarên pergala serbest ragihand

Desteya Perwerde û Fêrkirinê ezmûneke din ji bo xwendekarên xwendina serbest ên refa 12`an ragihand.

14 hezîran, 2022 07:08

QAMIŞLO

Desteya Perwerde û Fêrkirinê ya Bakur û Rojhilatê Sûriyê piştî ragihandina pergala ezmûna serbest (hur), di 13`ê Hezîranê de bi biryarnameyekê ezmûneke din (tekmîlî) ji bo xwendekarên refa 12`an a xwendina serbest ragihand.

Şert û mercên pêşkêşkirina ezmûnê wiha ne; heke xwendekar di 3 branşan de bi ser neketibe, ji bo xwendekarên ku bi ser ketine û dixwaze pileyên xwe zêde bike, dikare 3 branşan pêşkêş bike.

Di biryarnameyê de hatiye eşkerekirin ku xwendekar dikare piştî derketina encamên ezmûna yekemîn navê xwe li Rêveberiya Ezmûnan tomar bike û dê tomarkirin jî tenê 5 rojan vekirî be.

Ev biryar ji bo beşa wêjeyî û zanistî ye, dîroka ezmûnê jî di navbera 17-25`ê Tîrmehê de ye.

Di sala xwendinê ya 2021-2022`an de cara yekemîn bi biryarnameyekê Desteya Perwerde û Fêrkirinê pergala xwendina serbest ragihand. Ji xwendekarên refa 12`an ezmûn di 1`ê Hezîranê de dest pê kirin, dê di 19`ê heman mehê de bi dawî bibin.

(sb)

ANHA